AQŞ-ta amerikalyq otbasy asyrap alǧan Dinara esımdı boijetkennıŋ öz-özıne qol jūmsaǧany aityldy. Qaiǧyly habardy belgılı jurnalist, «Şeteldegı qazaq balalary» jobasynyŋ avtory Janar Baisemız jetkızdı, dep habarlaidy «Adyrna» tılşısı.
«Amerikadan jetken suyt habar jyp-jyly bolyp tūrǧan küzdıŋ künın suytyp jıberdı. Bır sätte ainalamdaǧy äsem boiaular qaraiyp, şaiylyp kettı. Būl qalai bolǧany, nege, ne üşın?! Sūraq köp, jauap joq…Netken ökınış…Netken qasıret…Dinara, keşır menı, keş bızdı…Ruhyŋ peiışte şalqysyn. Jap-jaryq edıŋ… Qoş bol, jaryq kün»,— dep jazdy jurnalist.
Aita keteiık, Qostanaida düniege kelgen arudy amerikalyqtar alty jasynda asyrap alǧan. Bırneşe jyldan keiın qyzdyŋ asyrauşy ata-anasy ajyrasyp ketken. Būǧan deiın Dinara jaŋa otbasynyŋ būzyluyna bailanysty depressiiaǧa ūşyraǧanyn jetkızgen edı.
