Ministr: "Serpın" boiynşa oqyp, auylyna qaityp ketetınderge şara qoldanu kerek

Bılım jäne ǧylym ministrı Ashat Aimaǧambetov «Serpın» baǧdarlamasyna qatysty pıkır bıldırdı, dep habarlaidy QazAqparat tılşısı. «Jalpy, «Serpın» baǧdarlamasy boiynşa yntasy bar studentter jaqsy oqyp jatyr. Jalpy, körsetkış jaman emes. Älbette, keibır jerde «Serpın» baǧdarlamasymen bılım alǧannan keiın öz auylyna baryp, jūmys ısteimın deitın mysaldar barşylyq. Bıraq, bärın bırkelkı qylyp, auylǧa ketıp jatyr dep aita almaimyz», - dedı dedı Bılım jäne ǧylym ministrı Ükımet otyrysynan keiın tılşılerdıŋ aldynda. Ministrdıŋ aituynşa, «Serpın» baǧdarlamasy boiynşa naqty mehanizm bar. «Mehanizm boiynşa balalar oquǧa tüsken kezde tiıstı kelısımşarta qol qoiady. Sol kelısımşartta barǧan öŋırde jūmys ısteu boiynşa jauapkerşılık jazylǧan. Sol kelısımşarttyŋ negızınde jūmys jürgızu kerek. Tiıstı talapty oryndamai jatqan jastarǧa qatysty tiıstı şara qoldanu kerek. Zaŋnamada bärı jazylǧan ǧoi», - dedı Ashat Aimaǧambetov.