AES-tı Resei salǧan jaǧdaidaǧy saiasi qauıp qandai? Būl sūraqqa Ükımet otyrysynan keiıngı brifingte Premer-ministrdıŋ bırınşı orynbasary Roman Skliar jauap berdı, dep habarlaidy “Adyrna” ūlttyq portaly.
Onyŋ aituynşa, AES salatyn eldermen aradaǧy şartta sanksiialyq kelısım qarastyrylatyn bolady.
«Konsorsium bolatyn şyǧar. Eŋ bastysy — qauıpsızdık. Sonymen qatar bız salynatyn jaŋa stansa eŋ tyŋ jobalyq şeşımder men öz salasynyŋ köşbasşysy sanalatyn öndıruşı eldıŋ ozyq tehnologiiasy bolǧanyna müddelımız. Sondyqtan şeşım konfigurasiia boiynşa qabyldanady. Onymen men de, Almasadam Maidanūly da (Energetika ministrı Almasadam Sätqaliev) ainalyspaidy. Arnaiy jobalyq top bolady. Al oryn aluy mümkın saiasi täuekelder tuyndaǧan sätınde, iaǧni jobalau barysynda qarastyrylady. Eger mūndai jait oryn alsa, onda türlı kompaniialarmen, türlı eldermen aradaǧy sanksiialar eskerıletını sözsız, - dedı Ükımet basşysynyŋ bırınşı orynbasary BAQ ökılderınıŋ saualyna orai.
Eske salsaq, 6 qazanda referendumǧa kelgen Prezident Qasym-Jomart Toqaev «AES qūrylysyn qai el jürgızedı?» degen sūraqqa jauap bergen bolatyn. «Būl oŋai mäsele emes. Ükımet taldau jasap, tiıstı kelıssözder jürgızuge tiıs. Menıŋ pıkırımşe, Qazaqstanda eŋ ozyq tehnologiialary bar älemdık kompaniialardan qūralǧan halyqaralyq konsorsium jūmys ısteuı qajet. Qalǧanyn uaqyt körsetedı», dedı memleket basşysy.
