Almaty oblystyq polisiia departamentı jasöspırımnıŋ ölımıne qatysty bır aqparatty joqqa şyǧardy, dep habarlaidy “Adyrna” ūlttyq portaly.
Talǧarda 16 jastaǧy Şerzat Bolattyŋ ömırı qoǧamdyq rezonans tudyrdy. Ony öltırdı degen küdıkpen ūstalǧan jetı adamnyŋ ūiymdasqan qylmystyq top müşesı ekenı turaly aqparat jalǧan bolyp şyqqan.
Būl turaly Almaty oblystyq polisiia departamentı bastyǧynyŋ mındetın atqaruşy Serık Şalharov mälımdedı.
"Ūiymdasqan qylmystyq toptyŋ ne ekendıgı turaly naqty tüsınık beretın bap bar. Ol üşın ūiymdasqan qylmystyq top bırneşe ret qylmys jasaǧan boluy qajet. Bıraq mūnda bır ǧana oqiǧa. Äleumettık jelılerden "Hutorskiiler" turaly aqparatty da kördık. Eger sız Talǧar audanynda tūrsaŋyz, keŋes zamanynda osylai atalǧan "Hutorskaia" audany turaly estıgen şyǧarsyz. Qazır qatelespesem, "Bırlık" dep atalady. Barlyq tūrǧyndardy osy qylmystyq toptyŋ müşesı boldy dep aita almaimyz. Bızde mūndai qaraqşylar men toptar joq", – dedı Şalharov.Departament basşysy sotqa deiıngı tergep-tekseru kezınde aqparatty taratuǧa tyiym salatyn qylmystyq-prosestık kodekstıŋ babyna sılteme jasap, qamauǧa alynǧandardyŋ jeke basy turaly aqparat beruden bas tartty. Degenmen äleumettık jelıde olardyŋ suretterı men aty-jönderı tarap kettı. Poliseiler küdıktılerden üş pyşaq (ekı ashana pyşaǧy, bır qalta pyşaǧy) men tırkelmegen qaru tärkılegen. Sondai-aq, “polisiia qylmys ornyna keş jettı” degen aqparatqa da tüsınıkteme berdı.
"Oqiǧa turaly polisiiaǧa saǧat 00:40-ta qoŋyrau tüstı. Qyzmetkerler oqiǧa ornyna 9-10 minutta jettı, iaǧni standartqa sai. Degenmen, ışkı tekseru jürgızıledı", – dedı Serık Şalharov.
Ūqsas jaŋalyqtar
