9 qazan künı Astanada 200-den asa oquşynyŋ qatysuymen jappai töbeles boldy, dep habarlaidy "Adyrna" tılşısı "Halyq ünıne" sıltep.
Polisiia qyzmetkerlerı tärtıp būzuşylardy tügel ūstaǧanyn habarlady.
"Tünde Astananyŋ Oŋtüstık-Şyǧys audanynda 200-den asa oquşy qatysqan jappai töbeles boldy. Kuägerlerdıŋ aituynşa, janjal qyzǧa bailanysty bastalǧan. Jasöspırımder audandy bölısıp, töbelesu üşın kezdesu ūiymdastyrǧan. Aldymen bır top 6-7 jasöspırımge şabuyl jasady, bıraq olarǧa tötep beru üşın odan da ülken top jinaldy", — delıngen habarlamada.Äleumettık jelıde taraǧan videoda qolyna pyşaq ūstaǧan bır bala «Pyşaqtaimyz bügın. Pyşaqtaimyz!» dep külgen. Onyŋ qasyndaǧy jasöspırımder balaǧat sözder aityp jür.
"Keşe tünde Astanada №86 jäne 51 mektep oquşylary jäne studentterdıŋ qatysuymen auyr tärtıpsızdık boldy. Bızdıŋ derekközdıŋ habarlauynşa, Chugunka jäne Qordai uchaskelerıne jinalǧan 200-den asa jasöspırım köşe kezıp, özge jasöspırımderge şabuyl jasap, soqqyǧa jyqqan. Olardyŋ keibıreulerı aşyq türde pyşaq ūstaǧan. 2005 jyly tuǧan jasöspırım bastaǧan top qūrbandarynan qai audannan ekenderın sūraǧan. Eger bıreu «Oŋtüstık-Şyǧys» dep jauap berse, ony bırden ūryp-soǧady. Jasöspırımder köşe boiymen «reid» jasap, «Jerūiyq» saiabaǧyna qarai bet aldy. Būl oqiǧa tärtıptı qalpyna keltıru jäne odan ärı janjaldardyŋ aldyn alu üşın qūqyq qorǧau organdarynyŋ şūǧyl aralasuyn talap etedı", – delıngen «Astana Sergek» Instagram-daǧy paraqşasyndaǧy video sipattamasynda.Al Astana qalasy polisiia departamentınıŋ habarlauynşa, «102» arnasyna üidıŋ aulasyna jastardyŋ jinalǧany turaly habarlama tüsken.
"Patruldık polisiia polkınıŋ oqiǧa ornyna uaqtyly keluı jasöspırımderdıŋ būzaqylyq äreketterınıŋ aldyn aldy. Olar jaǧdaidy anyqtau üşın polisiia bölımıne jetkızıldı. Jastardy jinaudyŋ maqsaty bır-bırımen qarym-qatynasty naqtylau bolǧan. Olardyŋ arasynda kämeletke tolmaǧandar da bar. Qazır osy faktı boiynşa barlyq qatysuşy, sondai-aq kämeletke tolmaǧandardyŋ zaŋdy ökılderı äkımşılık jauapkerşılıkke tartyldy", — delıngen qalalyq PD baspasöz qyzmetınıŋ mälımetınde.
