Qazaqstannyŋ syrtqy qaryzy 2024 jyldyŋ bırınşı jartyjyldyǧynda 166,7 mlrd dollarǧa deiın östı. Būl turaly Ūlttyq bank mälımdedı, dep habarlaidy “Adyrna” ūlttyq portaly.
Mälımet boiynşa, Qazaqstannyŋ syrtqy qaryzy 1 şıldedegı jaǧdai boiynşa 2024 jyldyŋ basymen salystyrǧanda 3 milliard dollarǧa ösıp, 166,7 milliard dollardy qūrady.
«Qazaqstannyŋ syrtqy qaryzynyŋ 87,5%-y – ūzaq merzımdı syrtqy qaryzǧa tiesılı. Būl bır jaǧynan ötımdılık qaupın azaitsa, ekınşı jaǧynan qaryzdy öteu men qyzmet körsetuge naryqtyq jaǧdailardyŋ özgeruınıŋ yqpalyn küşeitedı. Qaryzdyŋ qarjylyq qūraldar türlerı boiynşa qūrylymynda rezident emesterden alynǧan nesieler men qaryzdar basymdyqqa ie (73,9%), al rezident emester qolyndaǧy boryştyq baǧaly qaǧazdar 8,0%-dy qamtidy», – delıngen Ūlttyq bank habarlamasynda.
Eske salaiyq, Qazaqstannyŋ syrtqy qaryzy 2023 jyldyŋ üşınşı toqsanynyŋ qorytyndysy boiynşa 161,9 mlrd dollardy qūraǧan.
