Almaty oblysy, Talǧar qalasynda bır top būzaqynyŋ qolynan qaza tapqan 16 jastaǧy jasöspırımnıŋ üiı tolyǧymen örtendı, dep habarlaidy “Adyrna” ūlttyq portaly.
Marqūmnyŋ üiı senbıge qaraǧan tünı örtengen. TJM mälımetınşe, zardap şekkenderdıŋ bar-joǧy naqtylanuda.
Almaty oblysynyŋ polisiia departamentı ört faktısın rastady.
"Polisiia bötennıŋ mülkın qasaqana joiu deregı boiynşa qylmystyq ıs qozǧady", – delıngen PD habarlamasynda.Tergeu aiasynda kuägerlerden jauap alynǧan. Sondai-aq, beinebaqylau kameralarynyŋ jazbalary zerttelıp jatqany aityldy.
"Qazırgı uaqytta oqiǧanyŋ barlyq män-jaiy men oqiǧaǧa sebep boluy mümkın sebepter anyqtalyp jatyr”, – delıngen habarlamada.Bas prokuraturanyŋ mälımetınşe, qylmystyq is Qazaqstan Respublikasy Bas Prokurorynyŋ baqylauyna alyndy. Almaty äkımdıgı marqūm Şerzattyŋ otbasynyŋ baspanasyn qalpyna keltıruge kömektesetın boldy. Aita keteiık, Talǧarda syra üşın töbeleskenderdıŋ qolynan qaza tapqan 16 jastaǧy jasöspırım Şerzat Bolattyŋ ölımı qoǧamdyq rezonans tudyrdy.
Ūqsas jaŋalyqtar
