Jezqazǧanda qaita qūrylyp jatqan nysannyŋ jalpy audany 900 şarşy metrdı qūraidy. Özge öŋırlerdegı arnaiy ǧimaraty bar şahmat akademiialarynyŋ aumaǧymen salystyrǧanda būl ekı ese keŋ kölemdı bolmaq. Qūrylys jūmystary biyl qazan aiynda aiaqtaluy tiıs. Ol jaiynda Ūlytau oblysy äkımı Berık Äbdıǧaliūlynyŋ jūmys saparymen baqylauy barysynda «Qazaqmys» korporasiiasynyŋ basqarma töraǧasy Nūrahmet Nūriev aitty.
Anyqtama üşın: «Qazaqmys» korporasiiasynyŋ qoldauymen Jezqazǧan qalasy, Momyşūly 16 mekenjaiyndaǧy aiaqsyz qalǧan üş qabatty nysan satyp alynyp, bastan aiaq qaita jaŋartyluda.
Jansaia Äbdımälık şahmat akademiiasy boluy tiıs üş qabatty ǧimarattyŋ qazırgı taŋda dizain jobasy daiyndaldy. Tehnikalyq tekseruden ötkennen keiın ırgetasyn berık qylu maqsatynda kürdelı jūmystar jürgızıldı. Qazırgı taŋda qasbetı men töbesı, nysannyŋ ışı qatar jöndelude jäne arnaiy jihazdarmen tolyqtyrylady.
Akademiianyŋ dizain jobasyna säikes arnaiy zaldar, jattyqtyruşylarǧa arnalǧan kabinetter, ata-analarǧa arnalǧan kütu zaly, äkımşılık, kiım auystyru bölmesı, demaluǧa arnalǧan oryn qarastyrylǧan.
Aita keteiık, bolaşaq akademiia 700 balany daiarlauǧa qauqarly bolmaq.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz