Oqu-aǧartu ministrlıgı bılım beru ūiymdarynyŋ aumaǧynda ärtürlı syltaularmen zaŋsyz aqşa jinauǧa mūǧalımderdı tartu zaŋsyz ekenın eskerttı, dep habarlaidy «Adyrna» tılşısı.
Ministrlık juyrda 2 myŋnan astam bılım ūiymynyŋ basşysy men aumaqtyq departament ökılderınıŋ qatysuymen korrupsiialyq täuekelderdı aldyn alu jäne eskertu maqsatynda jinalys ötkenın mälımdedı.
«Qatysuşylarǧa korrupsiiamen küres, baqylau şaralaryn ūiymdastyru, qyzmettıŋ özın özı baǧalauy turaly jan-jaqty tüsınıktemeler berıldı. Bılım ūiymdarynda ärtürlı syltaularmen zaŋsyz aqşa jinaudyŋ aldyn alu mäselelerıne, sondai-aq pedagogtardyŋ käsıbi qyzmetıne qatysty zaŋ talaptarynyŋ būzyluyna erekşe nazar audaryldy»,— dep habarlady Oqu-aǧartu ministrlıgı.
Qazaqstanda pedagogtardy käsıbi qyzmetımen bailanysty emes jūmystarǧa tartu, tauarlar men qyzmetterdı satyp alu mındetın jükteu zaŋmen tyiym salynǧan. Būl normalardyŋ būzyluy zaŋnama şeŋberınde jauapkerşılıktı qarastyrady.
«Bılım beru prosesınıŋ ärbır qatysuşysy adaldyq pen ädılettılıktıŋ ülgısın körsetuge tiıs. Korrupsiianyŋ aldyn aluǧa kömektesuı qajet. Bız osy prinsipterdıŋ qataŋ saqtaluynyŋ maŋyzdylyǧyna nazar audaramyz jäne pedagogtar men bılım ūiymdarynyŋ basşylaryn korrupsiialyq qūqyq būzuşylyqtar turaly habarlauǧa şaqyramyz»,— dedı bılım salasyndaǧy sapany qamtamasyz etu komitetınıŋ töraǧasy Ernūr Däuenov.
Zaŋsyz aqşa jinau faktılerı nemese basqa korrupsiialyq körınıster anyqtalǧan jaǧdaida, dereu aumaqtyq departamentterge nemese bılım ministrlıgınıŋ sapany qamtamasyz etu komitetıne +7 (7172) 74-23-92 nömerı boiynşa habarlasu ūsynylady.
