Memleket basşysy Qasym-Jomart Toqaev «QazaqGaz» ŪK AQ basqarma töraǧasy Sanjar Jarkeşovtı qabyldady. Būl turaly bügın, 14 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaevqa ūlttyq kompaniianyŋ biylǧy 9 aida atqarǧan jūmysynyŋ qorytyndysy turaly esep berıldı. Prezidentke ırı investisiialyq jobalardy jüzege asyru jäne tranzittık äleuettı damytu boiynşa būǧan deiın berılgen tapsyrmalarynyŋ oryndalu barysy baiandaldy.
Sanjar Jarkeşov «Almaty – Baiserke – Talǧar» gaz qūbyrynyŋ ekınşı jelısın salu, sondai-aq Almatydaǧy ekınşı jäne üşınşı jylu elektr ortalyqtarynyŋ gazǧa arnalǧan infraqūrylymyn jasaqtau jūmystary aiaqtalǧanyn aitty. Būdan bölek, «Taldyqorǧan – Üşaral» magistraldı gaz qūbyry salyna bastady. Özbekstanǧa gaz tasymaldau kölemın ūlǧaitu üşın «Orta Aziia – Ortalyq» jüiesın jaŋǧyrtu boiynşa daiyndyq jūmystary jürıp jatyr.
Memleket basşysyna resurstyq bazany keŋeitu şaralary jönınde mälımet berıldı. «QazaqGaz» ŪK» AQ basqarma töraǧasy el ekonomikasyndaǧy tauarly gazdy tūtynu kölemınıŋ eselep artuyn eskere otyryp, atalǧan salanyŋ geologiialyq barlau jobalaryn jüzege asyruǧa şetelden investisiia tartylǧanyn aitty. Chevron kompaniiasymen Aqtöbe oblysynda geologiialyq barlau jūmystaryn jürgızu turaly kelısımge qol qoiylǧan. Joba tolyǧymen investordyŋ öz qarjysy esebınen jürgızıledı.
Sonymen qatar Qasym-Jomart Toqaevqa Energetika, Ūlttyq ekonomika ministrlıkterımen bırlese jürgızılıp jatqan bastamalar turaly baiandaldy. Būl şaralar Memleket basşysy Joldauynda aitqan gaz salasynyŋ investisiialyq tartymdylyǧyn arttyruǧa, kögıldır otynnyŋ laiyqty tarifı men köterme baǧasyn belgıleuge qatysty tapsyrmalaryn oryndau maqsatynda qabyldanyp jatyr.
Kezdesu soŋynda Prezident jylytu mausymynda halyqty jäne ekonomikany gazben tūraqty qamtamasyz etu, salany reformalaudy jalǧastyru, gaz tasymaldau jüiesınıŋ quattylyǧyn arttyru boiynşa bırqatar tapsyrma berdı.
