Joǧarǧy sottyŋ būrynǧy töraǧasy, senator Jaqyp Asanov kısı qolynan qaza tapqan Şerzat Bolattyŋ ölımıne qatysty pıkır bıldırdı, dep habarlaidy "Adyrna" ūlttyq portaly.
Äleumettık jelıde senatordyŋ "Hutor" bandasynyŋ basşysymen tuystyq qatynasy bar degen aqparat taraǧan. Jaqyp Asanov “Hutor” bandasynyŋ basşysy degen küdıkke ılıngen Hasan Qasymbekovke tuystyq qatynasy bary turaly aqparatty joqqa şyǧardy.
“Būl aqparat turaly bırınşı künı-aq estıdım. Men būǧan qatysty pıkır bıldıruden bas tarttym. Öitkenı mūnyŋ bärı ötırık, jalǧan. Ony tanymaimyn, bılmeimın, körgen emespın. Qazır äleumettık jelıde jalǧan aqparat köp. Onyŋ bärıne sene beruge bolmaidy. Bıraq kım bıledı? Bıreu menıŋ atymdy şyǧaraiyn degen şyǧar. Mäsele tek mende emes. Jalpy ötırık närse köp. Onyŋ barlyǧy tergeu amaldaryn jürgızuge kedergı jasaidy”, – deidı senator.Jaqyp Asanov Şerzat Bolattyŋ aiuandyqpen öltırıluıne bailanysty pıkır bıldırdı.
“Talǧardaǧy öte qiyn jaǧdai. Qiianattyŋ qiianaty. Jap-jas mekteptegı balany eresek bırneşe erkekter jabylyp ūryp, äke-şeşesınıŋ qolyn bailap, közınşe öltırgenı öte auyr. Qazanyŋ jeŋılı joq deidı. Dese de būl auyr jaǧdai”, – deidı Jaqyp Asanov.Senator 16 jastaǧy Şerzat Bolattyŋ ölımıne qatysty sottyŋ aşyq rejimde, onlain ötuıne qatysty pıkır bıldırdı.
“Prokuratura sottyŋ aşyq ötuın sūraimyz dep aityp qaldy. Bıraq ony sudia şeşedı. Ol turaly menıŋ aitqanym orynsyz bolady. Öitkenı ony sol ıs boiynşa töraǧalyq etetın sudia şeşedı”, – dedı Jaqyp Asanov.
Ūqsas jaŋalyqtar
