Aqordada pän olimpiadalarynyŋ jeŋımpazdary marapattaldy

Memlekettık keŋesşı Erlan Qarin Prezident tapsyrmasyna säikes halyqaralyq pän olimpiadalarynyŋ jeŋımpazdary men jüldegerlerın qabyldady. «Prezident tapsyrmasyna säikes halyqaralyq pän olimpiadalarynyŋ jeŋımpazdary men jüldegerlerımen kezdesu ötkızdık. Biyl örenderımız älemnıŋ türlı elınde ötken pändık olimpiadalarda 26 medal ielenıp, el abyroiyn asqaqtatty. 2022 jyldan bastap Memleket basşysynyŋ bastamasymen halyqaralyq pän olimpiadalarynyŋ jeŋımpazdaryna jäne olardyŋ ūstazdaryna aqşalai syilyq tabystalady. Būl rette Qazaqstan – bılım olimpiadasy jüldegerlerıne osyndai qoldau körsetetın sanauly eldıŋ bırı» - dep bölıstı Erlan Qarin äleumettık jelı paraqşasynda. Memlekettık keŋesşı Qazaqstanda jas­tarǧa özın jan-jaqty jetıldıruge bar­lyq jaǧdai jasalǧanyna, äsırese, öske­leŋ ūrpaq üşın bılım men ǧylym salasynda mol müm­kın­dık bar ekenıne nazar audardy. Kezdesu soŋynda Erlan Qarin olimpia­da jeŋımpazdaryna jyly lebızın bıldırdı. Olardyŋ bılımı, ızdenısı, otanşyldyǧy eldıŋ mektep oquşylaryna ülgı-önege ekenın atap öttı.