Biylǧy jyldyŋ soŋyna deiın Qazaqstanda mındettı medisinalyq saqtandyru qoryn sifrlandyrudy aiaqtau, al kelesı jyly densaulyq saqtau salasynda bıryŋǧai aqparattyq jüienı engızu josparlanǧan. Būl barlyq medisinalyq ūiymdar arasynda aqparat almasudy ornatuǧa mümkındık beredı.
Aqmola oblysynda densaulyq saqtau salasy sifrlandyru relsterıne berık ornyqty. Tehnologiia arqyly därıhana punktterınde därı-därmek ainalymyn baqylauǧa bolady. Mysaly, Kökşetaudaǧy Vita därıhanalar jelısınde därılık zattardy taŋbalau jäne qadaǧalau jüiesı tabysty jūmys ısteidı jäne preparattardyŋ öndırılgen nemese elge äkelıngen sätten bastap qala tūrǧyndaryna satylǧanǧa deiıngı qozǧalysyn naqty uaqyt rejimınde baqylauǧa mümkındık beredı.
Därıhana meŋgeruşısı Svetlana Garajdyŋ aituynşa, jüienı engızu üşın jaŋa jabdyqtar men baǧdarlamalyq qamtamasyz etudı satyp aluǧa tura keldı. Farmasevter jaŋa jüiege tez enıp kettı. Endı olar jalǧan därı-därmekter därıhana sörelerınde paida bolmaitynyna senımdı.
Därı-därmekterdı taŋbalau jüiesı Aqmola köpsalaly oblystyq auruhanasynda da jūmys ısteidı. MOB direktory Nūrlan Jarovtyŋ aituynşa, ol stasionarǧa tüsetın därılık zattardyŋ qataŋ esebın jürgızuge kömektesedı. Būdan basqa, medisinalyq ūiymnyŋ barlyq 28 bölımşesınde därı-därmek erıtındı türınde bolsa, preparattardyŋ qozǧalysyn bır tabletkaǧa nemese milligrammǧa deiın baqylauǧa mümkındık beretın Gospitaldyq farmasiia bölımınıŋ jobasy engızıldı.
«Därıgerdıŋ taǧaiyndauy boiynşa därılık preparattar är pasientke sterildı taŋbalanǧan bokstarǧa salynyp, pasienttıŋ aty-jönı, qabyldau uaqyty körsetıledı. Qateler alynyp tastalady: är pasient emdeuşı därıger taǧaiyndaǧan preparatpen jäne belgılı bır dozada em alady. Nätijesınde pasientter sapaly em alsa, al medisinalyq mekeme uaqyt ünemdeidı», – dep tüsındırdı Nūrlan Jarov.
