Astanada poliseiler seriialyq alaiaqtyq jasady degen küdıkpen Pavlodar qalasynyŋ tūrǧynyn ūstady. Äiel joq jihazdy satumen ainalysqan, dep habarlaidy «Adyrna» ūlttyq portaly Polisia.kz saityna sılteme jasap.
Tärtıp saqşylarynyŋ aituynşa, Pavlodarlyq tūrǧyn satyp aluşylarǧa aldyn-ala tölem jasaudy sūraǧan.
«Pavlodar qalasynyŋ tūrǧyny joq jihaz satumen ainalysatyn «biznes» ūiymdastyrdy. 30 jastaǧy qyz saitta arzan tūrmystyq zattardy satu turaly habarlandyrular ornalastyryp, satyp aluşylarǧa mobildı banking arqyly 30 myŋ teŋgege deiın aldyn-ala tölemdı audarudy ūsynǧan. Bügıngı künı polisiiaǧa 10-ǧa juyq aldanǧan azamat jügınıp, küdıktıge qatysty qylmystyq ıs qozǧaldy», - delıngen habarlamada.Poliseiler azamattarǧa qyraǧy boludy, saqtyq tanytudy jäne jeke banktık derekterın, sondai-aq SMS habarlamalarynyŋ qūpiia saqtaudy eskertedı.
«Kümändı satuşylardan tauarlar men qyzmetterdı satyp almaŋyz, äleumettık jelıler men messendjerlerde ekı faktorly autentifikasiiany qoldanyŋyz, sızdıŋ jeke jinaqtaryŋyz ben jeke derekterıŋızdıŋ qauıpsızdıgı sızdıŋ qolyŋyzda ekenın este saqtaŋyz», - dep atap öttı polisiia.İnternettegı alaiaqtyq faktılerınıŋ köbeiuıne bailanysty elordada «Alaiaqtyqty toqtatu» operasiiasy jürgızılude. Qūqyq qorǧau organdarynyŋ mälımetınşe, qalada jyl basynan berı 4 myŋǧa juyq internet alaiaqtyq faktısı tırkelgen.
