Aqtöbe oblysynyŋ Hromtau jäne Mūǧaljar audandary prokuraturalary mektepke deiıngı mekemelerde 240 mln teŋgeden astam biudjet qarajatyn talan-tarajǧa salu faktılerın anyqtady. Būl turaly bügın, 21 qazanda oblystyq prokuraturanyŋ baspasöz qyzmetı aitty, dep habarlaidy «Adyrna» tılşısı.
«Biudjet qarajattary jūmysşylarǧa qosymşa syilyqaqy berude biudjettık ötınımderdı negızsız joǧarylatu arqyly iemdenilgen. Baqylausyz özgerıster engızılıp, onyŋ ışınde basşylarǧa syilyqaqy beru turaly būiryqtarǧa somalardy asyra kötergen.İemdenıp alu shemalary jalaqyny belgılengen normadan tys audaru, audarymdardy qaitalau, jalǧan ıssaparlar arqyly jüzege asyrylǧan.
Sonymen qatar, esepşılerdıŋ bırı keibır qyzmetkerlerge joǧarylatylǧan jalaqy, qosarlanǧan eŋbek demalysy men ıssapar tölemderın zaŋsyz esepteu arqyly jalpy kölemı 24 mln teŋgeden astam qarajatty iemdengen»,—delıngen habarlamada.
Audan prokuraturalarymen audandyq bılım bölımınıŋ būrynǧy basşylaryna, 3 balabaqşa meŋgeruşılerı men 4 esepşıge qatysty QK-tıŋ 189-babynyŋ 4-bölıgınıŋ 2-tarmaǧymen (asa ırı mölşerde cenip tapsyrylǧan böten mülikti iemdenip alu nemese talan-tarajǧa salu) sotqa deiıngı tergep-tekseru bastaldy.
Barlyq körsetılgen faktı boiynşa Sybailas jemqorlyqqa qarsy küres qyzmetımen sotqa deiıngı tergep-tekseruler jürgızılıp jatyr.
