Memleket basşysy Qasym-Jomart Toqaev Chehiianyŋ Syrtqy ıster ministrı Iаn Lipavskidı qabyldady. Būl turaly bügın, 21 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaev syrtqy saiasat vedomstvosynyŋ basşysyna ıltipat bıldıre otyryp, Qazaqstan men Chehiia arasynda dostyq pen özara qūrmetke qūrylǧan köpjyldyq ärı nätijelı yntymaqtastyq qalyptasqanyn atap öttı.
Memleket basşysy ministrdıŋ sapary ekı el arasyndaǧy köpjaqty qarym-qatynastyŋ nyǧaiuyna tyŋ serpın beretınıne senım bıldırdı. Onyŋ aituynşa, Qazaqstan Europa Odaǧyndaǧy maŋyzdy serıktesterınıŋ bırı sanalatyn Chehiiamen tyǧyz yqpaldastyq jasauǧa beiıl.
Prezident ekı eldıŋ sauda jäne investisiialyq bailanystaryn odan ärı damytuǧa mol mümkındık bar ekenıne nazar audaryp, elımızdıŋ cheh investorlaryna aldaǧy uaqytta da qoldau bıldıruge daiyn ekenın aitty.
Öz kezegınde Iаn Lipavski Chehiia prezidentı Petr Paveldıŋ Qasym-Jomart Toqaevty Pragaǧa resmi saparmen keluge şaqyrǧanyn jetkızdı.
Chehiia Syrtqy ıster ministrı qarqyndy ekonomikalyq bailanystar qazaq-cheh yntymaqtastyǧynyŋ negızı sanalatynyna nazar audardy. Iаn Lipavski önerkäsıp, «jasyl» damu talaptaryna köşu jäne energetika salalaryn bırlesken jūmystyŋ basym baǧyttary retınde atap öttı.
Sonymen qatar Qasym-Jomart Toqaev pen Iаn Lipavski öŋırlık jäne halyqaralyq kün tärtıbındegı mäseleler jönınde pıkır almasty.
