Ükımette ötken baspasöz mäslihatynda vise-premer Serık Jūmanǧarin ükımettıŋ dollar baǧamynyŋ ösuıne bailanysty azyq-tülık baǧasyn qalai ūstap tūrudy josparlap otyrǧanyn tüsındırdı, dep habarlaidy «Adyrna» ūlttyq portaly.
Onyŋ aituynşa, Qazaqstan äleumettık maŋyzy bar 10 önımmen özın tolyq qamtamasyz etedı. Olardyŋ qatarynda ūn, tūz, kürış, makaron, mai, kartop, qoi etı, siyr etı, säbız bar. Taǧy 14 önım boiynşa qamtamasyz etu deŋgeiı 80%-dan asady, al keibır önımderde importqa täueldılık bar: mysaly, qūs etımen qamtamasyz etu 73%, şūjyq — 60%, balyq — 60%, ırımşık pen süzbe — 46%, qant — 44%.
Sondai-aq, Qazaqstanda öndırılmeitın önımder, mysaly, apelsin, banan, limon siiaqty keibır jemıster men kökönısterdıŋ qymbattauy mümkın ekenı aityldy. Alaida Jūmanǧarin olardyŋ baǧasy aitarlyqtai köterılmeitının atap öttı.
Sonymen qatar, Euraziialyq ekonomikalyq komissiianyŋ alaŋynda osy önımderge arnalǧan kedendık bajdardy tömendetu mäselesı qarastyrylyp jatqanyn mälımdedı. Būl şeşım jaqyn arada qabyldanady dep kütılude.
Serık Jūmanǧarin soŋǧy aptadaǧy baǧa monitoringıne säikes, dükenderdegı baǧalar aitarlyqtai özgermegenın atap öttı.
