Qazaqstan saiahat üşın üzdık elder tızımıne endı

Qazaqstan saiahattauǧa eŋ jaqsy elderdıŋ tızımıne endı, dep habarlaidy «Adyrna» ūlttyq portaly Turizm jäne sport ministrlıgınıŋ baspasöz qyzmetıne sıltep. Lonely Planet-tıŋ bedeldı Best in Travel 2025 reitingıne engen Qazaqstan taǧy da älemdık turisterdıŋ nazaryn audardy. Jyl saiyn basylym kelesı jylǧa arnalǧan eŋ jaqsy turistık baǧyttardyŋ tızımın jariialaidy. Biyl Qazaqstan özınıŋ erekşe tabiǧatymen, bai mädenietımen jäne tarihi mūrasymen tanylyp, älemnıŋ jetekşı elderınıŋ qatarynan oryn aldy. Lonely Planet sarapşylar toby saiahatşylardyŋ, kompaniia qyzmetkerlerınıŋ, gid avtorlarynyŋ jäne basqa da turizm mamandarynyŋ ūsynystaryna negızdelgen turistık baǧyttarǧa egjei-tegjeilı taldau jasaidy. «Qazaqstan – jai ǧana baratyn jer emes, būl aşyluǧa tūrarlyq tūtas älem, saiahattauǧa tūrarlyq erekşe sapar jäne sızdıŋ bır bölşegıŋızge ainalatyn tarih. Qazaq dalasynda ornalasqan qalalardy qorşaǧan şeksız jazyqtarda ejelgı Jıbek jolynyŋ sybdyry sezıledı,» – dep jazady Lonely Planet basylymy.