Qaraǧandylyqtarǧa Respublika künı qarsaŋynda memlekettık nagradalar tabystaldy

Respublika künı qarsaŋynda Qaraǧandy oblysynyŋ äkımı Ermaǧanbet Bölekpaev jalpyūlttyq merekemen qūttyqtap, Memleket basşysynyŋ atynan marapattar tabys ettı. Eldıŋ damuyna qosqan ülesı üşın oblystyŋ 44 tūrǧynymarapattaldy. Ermaǧanbet Bölekpaev Qazaqstan täuelsızdık alǧannan berı oryn alǧan bırqatar maŋyzdy saiasi özgerıster men äleumettık özgerısterdı atap öttı. – Bızdıŋ aimaqqa tıkelei äser etken keibır şeşımderdı erekşe atap ötkım keledı. Būl metallurgiia kombinatynyŋ bas aksionerınıŋ auysuy jäne qazaqstandyq investordy tartu. Nätijeler qazırdıŋ özınde körınıp keledı. Tek osy jyldyŋ 8 aiynda ǧana zauyttaǧy öndırıs kölemı 11-den 21%-ǧa deiın östı jäne onymen şektelıp qalmaimyz. "Qazaqstan halqyna" qory bızdıŋ öŋırde tört jobany jüzege asyruǧa qoldau körsettı. Būl mektepterdı jaŋǧyrtu jäne jöndeu, oqu kabinetterın özgertu, pedagogtardy oqytu, erekşe bılım beru qajettılıkterı bar balalarǧa beiımdelgen sport alaŋdaryn salu jäne basqa da äleumettık jobalar, – deidı oblys äkımı. Prezident Jarlyǧymen Qaraǧandy oblysynyŋ 44 tūrǧyny marapattaldy. Olar "Parasat", II därejelı "Dostyq", "Qūrmet", II jäne III därejelı "Eŋbek Daŋqy" ordenderımen, "Erıgı üşın", "Eren eŋbegı üşın", "Şapaǧat" medaldarymen marapattaldy. Oblystyq balalarǧa arnauly äleumettık qyzmet körsetu ortalyǧynyŋ tärbieşısı Olga Kravsovaǧa "Eren eŋbegı üşın" medalı tabystaldy. 30 jyldan berı ol erekşe balalarmen jūmys ısteidı. – Būl marapat men üşın – eŋbegımdı, balalarǧa mümkındıgınşe süiıspenşılık pen köŋıl böluge degen ūmtylysymdy baǧalau. Bız 5 jastan 18 jasqa deiıngı balalarmen jūmys jasaimyz. Olardyŋ bızdıŋ ortalyqta baqytty bolǧanyn qalaimyn, – dedı Olga Kravsova. – Bügıngı ataq – menıŋ 60 jyldyq eŋbegımnıŋ jemısı, – dep esepteidı 83 jastaǧy Diqanbai Bitközov. – Menıŋ köptegen marapattarym bar: "QazKSR eŋbek sıŋırgen mūǧalımı", Eŋbek Qyzyl Tu ordenı, Eŋbek erı. Menıŋ oiymşa, sportta biıkterge jettım. Osy uaqytqa deiın 200-den astam sport şeberın, 23 halyqaralyq deŋgeidegı sport şeberın, 5 älem chempionyn, 20-dan astam Aziia chempionyn daiyndadym. Men älı künge deiın jūmys ısteimın jäne jattyqtyramyn. Jiyn oblys ärtısterı men şyǧarmaşylyq ūjymdarynyŋ qatysuymen ötken merekelık konsertpen aiaqtaldy. Būǧan deiın Qazaqstan prezidentı Qasym-Jomart Toqaev taǧy alty qaraǧandylyqtyŋ eŋbegın joǧary baǧalady. "Qazaqstannyŋ Eŋbek Erı" ataǧy Nūra audanynyŋ "Şahterskoe" JŞS direktory Georgii Prokopqa berıldı. "Qazaqstannyŋ eŋbek sıŋırgen qairatkerı" qūrmettı ataǧyn Q. Baijanov atyndaǧy Qaraǧandy konserttık bırlestıgınıŋ "Arai" ansamblınıŋ körkemdık jetekşısı Serjan Mūsaiyn aldy. "Qazaqstannyŋ halyq ärtısı" qūrmettı ataǧyna Säken Seifullin atyndaǧy teatr akterı Keŋes Jūmabekov, al "Qazaqstannyŋ eŋbek sıŋırgen därıgerı" qūrmettı ataǧy Oblystyq klinikalyq auruhananyŋ hirurgiialyq ortalyǧynyŋ jetekşısı Boris Shaiǧa berıldı. "Şahtinskaia" şahtasynyŋ üŋguşısı Bolat Moldaitovqa Prezident II därejelı "Eŋbek Daŋqy" ordenın, al "Qazaqstan" şahtasynyŋ üŋguşısı Erkın Ahmetovke "Erlıgı üşın" medalın tabys ettı.