Soŋǧy tört jylda 12 myŋnan astam qazaqstandyq ūltyn özgerttı, dep habarlaidy «Adyrna» tılşısı Paryz.kz-ke sılteme jasap.
Işkı ıster ministrlıgınıŋ mälımetınşe, ūltyn özgertu boiynşa eŋ köp ötınış 2022 jyldyŋ säuırı men 2023 jyldyŋ tamyzy aralyǧynda bolǧan.
Jeke basyn kuälandyratyn qūjattarda ūltyn özgertkısı kelgender sany: 2021 jyly – 3254 adam; 2022 jyly – 3363 adam; 2023 jyly – 3366 adam; 2024 jyly (osy künge deiın) – 2158 adam.
«Qazaqstan Respublikasy Konstitusiiasynyŋ 19-babynyŋ 1-tarmaǧyna säikes ärkım özınıŋ ūlttyq, partiialyq jäne dıni ūstanymyn aiqyndauǧa jäne körsetuge nemese körsetpeuge qūqyly. Būl norma qūqyqty, iaǧni adamnyŋ özınıŋ ūlttyq erekşelıgın anyqtauǧa jäne körsetuge bailanysty subektivtı mümkındıkterın bekıtedı»,—dep tüsındırdı ministrlık.
Qazaqstan azamatynyŋ ūlty ata-anasynyŋ bırınıŋ ūlty boiynşa anyqtalady. Ata-analardyŋ ūlty ärtürlı bolǧan jaǧdaida ony anyqtaudyŋ arnaiy tärtıbı qoldanylady. Iаǧni, balanyŋ qalauy boiynşa äkesınıŋ nemese anasynyŋ ūltyna säikes, oǧan jeke kuälık jäne pasport beru kezınde aiqyndalady. Keiın ūltty bır ret ata-ananyŋ qai bırınıŋ ūltyna özgertuge bolady.
Resmi mälımetke süiensek, qazaqstandyqtar arasynda ūltyn “orystan" "nemıske" – 743, "özbekten" "qazaqqa" – 354, "orystan" "ukrainǧa" – 300, "ukrainnan" "orysqa" – 246, "orystan" "qazaqqa" – 118 adam auystyrǧan.
Aita keteiık, ūltyn özgertu turaly şeşım ekı jūmys künı ışınde şyǧarylady.
