16 jastaǧy Şerzat Polattyŋ ısı Qylmystyq kodekstıŋ bes baby boiynşa tergelıp jatyr. Būl turaly Işkı ıster ministrı Erjan Sädenov Mäjılıs deputattarynyŋ saualyna bergen jauabynda aitty, dep habarlaidy «Adyrna» tılşısı.
«Talǧar qalasynda bolǧan Ş.Polattyŋ ölımıne qatysty Almaty oblysynyŋ polisiia departamentı Qylmystyq kodekstıŋ 99-baby 2-bölıgı (adam öltıru), 293-baby 3-bölıgı (būzaqylyq), 115-baby (qorqytu), 432-baby (qylmysty jasyryp qalu) jäne 434-babymen (qylmys turaly habarlamau) qylmystyq ısterdı tırkep, tergep jatyr. Tergeu barysy menıŋ jeke baqylauymda, oqiǧa ornynda ministrlıktıŋ ortalyq apparatynyŋ qyzmetkerlerı de jūmys ıstep jür», - delıngen jauapta.
Ministr «Qasaqana kısı öltıruge qatysty» degen küdıkpen segız adam, «Qylmys turaly habarlamau» baby boiynşa üş adam sot sanksiiasymen qamalǧanyn atap öttı.
Esterıŋızge salaiyq, 4 qazan künı Talǧar qalasynda töbeles bolyp, 16 jastaǧy Şerzat Polat kısı qolynan qaza tapqan edı.
