Jaqynda Qyrǧyzstan parlamentınıŋ spikerı Nurlanbek Şakiev eldıŋ änūranyn özgertu qajettıgın mälımdedı. Onyŋ aituynşa, änūran ämbebap boluy tiıs. Prezident Sadyr Japarov būl ideiany qoldady, dep habarlaidy «Adyrna» ūlttyq portaly.
Japarov qazırgı änūrannyŋ 33 jyl būryn jazylǧanyn atap öttı.
«Qyrǧyz halqy, taǧdyryŋ öz qolyŋda, alǧa ūmtyl», – dep jazǧan bolatyn sol kezde änūran avtorlary. Sodan berı bız tolyqqandy memleket retınde qalyptastyq. Bızdı bükıl älem tanidy. Jüz jyl ötse, bız älı de azat bolyp, täuelsız elge ainalǧanymyzdy aityp jüremız be? Nege bız täuelsız memleket ekenımızdı, 5 myŋ jyldyq tarihy bar halyq ekenımızdı jyrlap, jastar men bolaşaq ūrpaqty şabyttandyratyn änūran jazbasqa?» - dedı Sadyr Japarov.Sonymen qatar, prezident memlekettık tudyŋ dizainyn özgertu mäselesın de qozǧady. Onyŋ aituynşa, jaŋa tu aldyŋǧysynan jaqsyraq.
«Eskı tudyŋ şapaqtary künbaǧysqa nemese aranyŋ diskısıne ūqsaityn. Endı jaŋa tuǧa qaraǧanda, onyŋ künnıŋ şapaǧy ekenı, onyŋ jarqyrap tūrǧany bırden tüsınıktı» - dedı Qyrǧyzstan basşysy.
