Qazaq tılındegı balalar kontentın damytuǧa biudjetten qoldau körsetıledı, dep habarlaidy «Adyrna» ūlttyq portaly. Būl turaly Mäjılıs deputaty Ashat Aimaǧambetov aitty.
Deputat qazaq tılındegı multfilmder öte az, al YouTube siiaqty qoljetımdı platformalarda mülde joqtyŋ qasy ekenın atap öttı.
«Qazaq tılındegı multfilmder öte az, al YouTube siiaqty qoljetımdı platformalarda mülde joqtyŋ qasy. Bügıngı künı būl ülken mäsele, öitkenı balalar teledidardan görı internet pen YouTube-ty köbırek taŋdaidy. Balalar “Sinii traktor” men “Maşa i Medved” siiaqty multfilmdermen şektelmei, sapaly ärı qyzyqty qazaqşa multfilmderdı köruı tiıs.Osy maqsatta, kelesı jyldyŋ biudjet jobasyn qarastyru barysynda, qazaq tılındegı multfilmder jasauǧa 350 million teŋge böludı jäne olardyŋ tek teledidarǧa emes, mındettı türde internetke, sonyŋ ışınde YouTube-qa jükteluın qamtamasyz etetın normany zaŋǧa engızdık. Būl balalardyŋ qazaq tılınde qyzyqty kontentke qol jetkızu mümkındıgın keŋeitedı dep senemız» - dep jazdy deputat.Sonymen qatar, qazaqşa balalar kontentın jasauda belgılı bır qiyndyqtar bar ekenın de alǧa tartty.
«Mäselen, “Balapan” telearnasynyŋ kontent jasauşylarǧa töleitın qarajaty öte az bolǧandyqtan, olar tek qazaq tılın qoldau maqsatynda jūmys ıstep, köbıne volonter siiaqty äreket etedı. Sondyqtan, osy biudjet arqyly bölıngen qosymşa qarajat qazaqşa kontenttıŋ sapasyn arttyruǧa yqpal etedı dep senemız» - dedı Ashat Aimaǧanbetov.Balalar arasynda qazaqşa kontenttı tūtynu boiynşa zertteu jürgızu turaly Ǧylym ministrlıgıne ūsynys jasaldy. Aldaǧy uaqytta älemdık hit multfilmderdı memlekettık tılge audaryp, YouTube-qa jükteu üşın avtorlyq qūqyq ielerımen bailanysu josparlanuda.
