Balqaşta jedel medisinalyq järdem qosalqy stansiiasy 30 jyl ışınde alǧaş ret öz ǧimaratyna ie boldy.
Ony qaita qūru kezınde injenerlık jüieler jaŋartylyp, töbesı auystyryldy. Sondai-aq, örtke qarsy qauıpsızdık jäne beinebaqylau jüielerı ornatylǧan.
– Būryn Balqaştyŋ jedel medisinalyq järdem brigadalary stasionar janyndaǧy jeke bölıngen üi-jailarǧa ornalastyrylǧan bolatyn. Keiınde jedel järdem brigadalarynyŋ eŋbek jaǧdailaryn jaqsartu qajettılıgı erekşe baiqaldy. Osyǧan bailanysty eskı ǧimaratty qaita qūru turaly şeşım qabyldandy. Qosalqy stansiiada alty jedel järdem brigadasy bar, olar bır jyl aralyǧynda 30 myŋǧa deiın şaqyruǧa şyǧyp, medisinalyq qyzmet körsetedı.
Täulık boiy jūmys ısteitın ekı dispetcherlık beket bar. Demalys bölmelerı, kölıkterge arnalǧan juu, tūraq jäne jöndeu sekıldı üş boks qarastyrylǧan, – dedı oblystyq jedel medisinalyq järdem stansiiasy direktorynyŋ m. a. Aqylbek Sarbaev.
Balqaşqa jūmys sapary barysynda Qaraǧandy oblysynyŋ äkımı Ermaǧanbet Bölekpaev būl şeşımder Balqaş öŋırınıŋ 80 myŋ tūrǧynyna medisinalyq kömek körsetu sapasyn jaqsartatynyn atap öttı.
Sondai-aq, balqaştyqtar oblys ortalyǧyna barmai-aq uaqtyly medisinalyq kömek aluy üşın audanaralyq auruhanaǧa 25 jas maman tartyldy: anesteziolog-reanimatolog, travmatologtar, nevropatologtar, akuşer-ginekologtar, neonatologtar, pediatrlar, jalpy täjıribe därıgerlerı jäne t. b. Taǧy 12 därıger rezidenturada oqidy jäne kelesı jyly Balqaşqa jūmysqa keledı.
Mamandar jūmyspen qamtamasyz etılıp, tūrǧyn üi mäselesı şeşıldı. Qalalyq auruhana aumaǧynda 30 päterlı üş qabatty ǧimarat jöndeldı. Olardyŋ barlyǧy jihaz jäne tūrmystyq tehnikamen jabdyqtalǧan.
– Men Priozersk qalasynyŋ tumasymyn. Almatyda oqyp, Balqaşqa jūmysqa keldım. Maǧan ekı bölmelı päter berdı. Tolyq jabdyqtalǧan, barlyq jaǧdailar bar. Barlyǧy ūnaidy, – dep bölıstı jalpy täjıribe därıgerı Jadyra Setenova.
30 jas maman jaŋa qonystanuşy atandy.
Oblys boiynşa biyl barlyǧy 130 päter berıldı.
Al qalalar men audandarǧa därıgerlerdı tartu üşın köterme somasy 1,5 mln teŋgeden 8 mln teŋgege deiın ūlǧaityldy.
Özgerıster Balqaş köpsalaly auruhanasy emhanasynyŋ bazasynda da oryn alyp, alǧaşqy üzdık täjıribeler ortalyǧy aşyldy. Medisinalyq mekeme zamanaui diagnostikalyq jabdyqtarmen jabdyqtalǧan.
Ortalyqta keşendı medisinalyq, äleumettık jäne psihologiialyq kömek aluǧa bolady. Sondai-aq, "Halyq keŋesı" qoǧamdyq qabyldau bölmesı jūmys ısteidı, onda tūrǧyndar öz ötınışterın qaldyra alady. Salauatty ömır salty kabinetı jäne barlyq tılek bıldıruşıler üşın densaulyq mektebı aşyldy.
– Mūnda medisinalyq, äleumettık jäne psihologiialyq qyzmetterdıŋ simbiozy – otbasylyq medisina prinsipı qarastyrylǧan. Otbasylyq därıger, qamqorşy medbike, akuşer, psiholog jäne äleumettık qyzmetkerden tūratyn köpsalaly top belgılı bır otbasymen ainalysady, aurularǧa äkeletın sebepterdı anyqtaidy. Ortalyq "nauqastyŋ 5 minutta baiqaǧany" qaǧidaty boiynşa jūmys ısteitın bolady. Tırkeuden bastap-aq pasient 5 minut ışınde özıne qajettı aqparatty aluy kerek. Kıre berıste ekı infotablo bar, sūraqtarǧa jauap beretın jüielık äkımşı bar. Biyl bızdıŋ memleketımız Qazaqstannyŋ türlı joǧary oqu oryndarynyŋ bes otbasylyq därıgerlerımen tolyqty, – deidı Balqaş köpsalaly auruhanasynyŋ direktory Serıkbol Tüsıpbekov.
– Sızder Memleket basşysynyŋ medisinany qoldau, osy baǧytty jaŋǧyrtu jäne halyqqa sapaly medisinalyq qyzmet körsetu jönındegı bastamasy turaly bılesızder. Bız osy tapsyrma aiasynda medisinalyq nysandardy aşyp, innovasiialar engızıp jatyrmyz – mūnyŋ bärı halyqqa sapaly qyzmet körsetu üşın. Bız öz tarapymyzdan osyndai bastamalardy qarjylai qoldaimyz. Bız üşın bırınşı kezektegı mındet – osyndai nysandardy mümkındıgınşe aşu. Ol üşın bız tūrǧyn üi salamyz, mamandarǧa osy medisinalyq mekemelerde jūmys ısteu üşın köterme järdemaqy beremız, – dep atap öttı Ermaǧanbet Bölekpaev.
Būl Qaraǧandy oblysyndaǧy üzdık täjıribelerdıŋ besınşı ortalyǧy. Onyŋ basty maqsaty – medisinalyq kömektıŋ qoljetımdılıgın arttyru, şaǧymdardyŋ sanyn azaitu jäne halyqtyŋ medisinalyq sauattylyǧyn jaqsartu.
