«Taza Qazaqstan» jalpyūlttyq respublikalyq ekologiialyq aksiiasy elımızde osy jyldyŋ säuır aiynda bastau alǧan bolatyn. Atalmyş aksiia bastalǧannan berı Oral qalasy äkımdıgımen arnaiy jūmys jospary jasaqtaldy.
Batys Qazaqstan oblysynda jalpyqalalyq senbılıkter bastaldy. Tazalyq şaralary «Taza Qazaqstan» respublikalyq ekologiialyq aksiiasy jäne şaharda jariialanǧan sanitarlyq-ekologiialyq ailyq aiasynda ozdyryluda.
Senbılık aiasynda qala aumaǧyn kül-qoqystan tazalau jūmysy jürgızılıp jatyr. Būl şaraǧa mekeme-ūiym qyzmetkerlerı, şaǧyn jäne orta biznes ökılderı, erıktıler, studentter, jalpy qala tūrǧyndary qatysuda. Küzgı senbılıkke Oral qalasynyŋ äkımı Mūrat Baimenov jastarmen bırge atsalysyp, «Et kombinaty» audanynda, Rujeinikov, Gagarin köşelerınıŋ boiynda, 10-şy şaǧyn audanda tazalyq jūmysyn jürgızdı. Senbılıkter qalaǧa qarasty kentterde de belsendı öttı. Nätijesınde qala aumaǧynan 15 myŋ tekşe metr kül-qoqys şyǧaryldy. Būl jūmysqa 20-ǧa juyq arnaiy tehnika jūmyldyryldy.
«Taza Qazaqstan» respublikalyq aksiiasy elımızdıŋ barlyq aimaǧynda jalǧasyn tauyp, jalpyhalyqtyq eko-chellendjge ainaldy. Basty maqsat – qorşaǧan ortany saqtap, ekologiialyq mädeniettı qalyptastyru. Jalpy özen jaǧalauynan 100 tonnadan asa qoqys şyǧarylypty. Äsırese, köktemgı su tasqynymen jaǧaǧa jinalǧan qaldyqtardy tazalauǧa qaladaǧy mekeme, käsıporyn ūjymdary jūmyluda.
Aksiiaǧa säikes qalalyq äkımdık mamandarynyŋ bastamasymen «Sanitarlyq beisenbı» şarasy ötkızılude. Iаǧni, är beisenbı künı bazar aumaǧynda jäne zaŋsyz sauda jürgızılu oryndarynda tüsındıru jūmystary jürgızılıp, zaŋ būzǧandarǧa äkımşılık jaza taǧaiyndalady.
– Aksiiaǧa säikes öŋırımızge bıryŋǧai säulettık kelbet beru maqsatynda qalamyzdyŋ magistraldy köşelerınde ornalasqan 38 KPTÜ-ge aǧymdaǧy jöndeu jūmystaryn, iaǧni qasbetterın syrlau, şatyrlaryn auystyru jūmystaryn jürgızu josparlanuda. Qazırgı taŋda atalǧan üilerge tehnikalyq zerttep qarau jäne jobalau jūmystary jürgızılıp, ärı qarai jobany jüzege asyru üşın biudjettık ötınım daiyndaluda. Qalamyzdyŋ aǧymdaǧy jol jöndeu jūmystary boiynşa 28 myŋ m2 jol jöndelıp, 31,3 myŋ m deformasiialyq tıgıske bitum qūiu jūmystary jürgızıldı. Sondai-aq 3,4 myŋ m2 salqyn plastik qūiylyp, 281 jaiau jürgınşıler jolaǧyna jäne qalamyzdyŋ 43 köşesıne jol belgılerı boialǧan bolatyn. Odan bölek, aǧymdaǧy köşe jol jelılerın jäne qala aumaǧyn kütıp-ūstau aiasynda barlyq aryq jüielerı tazalanyp, ülken jäne kışı aryq jüiesınde salqyndatuǧa negızdelgen su jıberu jüzege asyryldy, 67,8 myŋ tonna ülken gabarittı qaldyqtar şyǧaryldy, 2,3 mln m2 şöp şabu jūmystary atqaryldy, qalypty jaǧdaida, jūmys josparyna säikes aǧaştardy sanitarlyq kesu, tynymbaqtardy tazalau, köşe jol jelılerın tazalau, dymqyl tazalyq jūmystary atqaryldy, – deidı Oral qalasy äkımınıŋ orynbasary Jandos Düisenǧaliev.
Sondai-aq 10 şaǧynaudanda 5,6 şaqyrym jäne Toqai köşesınde 0,6 şaqyrym aryq jüielerı ornatylǧan. 24 stihiialyq qoqys oryndary tazalanyp bastaldy. 69 QTQ arnalǧan uaqytşa qoqys jinau oryndary, 1000 evrokonteiner ornatu jüzege asyryluda. Aksiia jūmysyn oŋtailandyru maqsatynda qala aumaǧy 24 okrugke bölınıp, tūraqty türde är apta saiyn reidtık jūmystar jüzege asyryluda. «Taza Qazaqstan» aksiiasy aiasynda media-jospar jasaqtalyp, josparǧa säikes «Taza ölke», «Kielı meken», «Jasyl aimaq», «Önegelı ūrpaq», «Möldır būlaq» ıs-şaralaryn ötkızu josparlanǧan. Qala boiynşa taza aula, köşe, mekeme aralarynda konkurstar ötkızu közdelgen.
Qala aumaǧynda 10 orynda «Taza Qazaqstan» aksiiasy turaly bannerler ornatylyp, «Taza Qazaqstan», «Taza aula» avtobusyn ıske asyru josparlanuda.
