Krasnyi Iаr auylynda alǧaşqy medisinalyq-sanitarlyq kömek körsetu ortalyǧynyŋ kürdelı jöndeuı aiaqtaldy

Respublika künı qarsaŋynda Kökşetau qalasyna qarasty Krasnyi Iаr auylynda üş qabatty alǧaşqy medisinalyq-sanitarlyq kömek körsetu ortalyǧynyŋ kürdelı jöndeuı aiaqtaldy. Densaulyq saqtau nysanyna şamamen 15 myŋ adam tırkelgen. Em-dom qyzmetı tek jergılıktı tūrǧyndarǧa ǧana emes, jaqyn maŋdaǧy auyldardyŋ tūrǧyndaryna da körsetıledı. Jöndeu barysynda şatyr, terezeler jäne esıkter jaŋartylyp, jylu jäne dybys oqşaulauy jaqsartyldy, palatalar, kabinetter, operasiialyq zaldar jöndeldı. Jabdyq qoryn jaŋartuǧa erekşe nazar audaryldy: jaŋa medisinalyq jabdyqtar ornatylyp, jeldetu, elektrmen quatymen jäne sumen qamtu jüielerı jaŋartyldy, būl medisinalyq qyzmetterdıŋ sapasy men tiımdılıgın arttyruǧa mümkındık beredı. Aqmola oblysynyŋ äkımı Marat Ahmetjanov jaŋartylǧan Ortalyqty aralap, jūmys nätijelerımen tanysty. Ol medisinalyq nysandardy jaŋǧyrtu öŋırdıŋ basym mındetı ekenın atap öttı.

«Jaŋartylǧan ortalyq – būl pasientter men medisinalyq personal üşın jaily jäne qauıpsız jaǧdailardy qamtamasyz etuge jasalǧan qadam. Jaŋa jabdyqtar men jaqsartylǧan jūmys jaǧdailarynyŋ arqasynda därıgerler sapaly ärı jedel qyzmet körsete alady. Qazaqstan Respublikasynyŋ Prezidentı medisina salasynyŋ damuyna erekşe nazar audaryp keledı. Onyŋ tapsyrmasymen öŋırde halyqtyŋ ömır süru sapasyn jaqsartu üşın medisinalyq nysandardy jaŋǧyrtu jalǧasuda», – dep atap öttı M.Ahmetjanov.

Krasnyi Iаr auylynyŋ tūrǧyny Bazarbai Äbuov körsetılgen qamqorlyq pen halyqtyŋ ömır süru deŋgeiın arttyruǧa baǧyttalǧan jūmys üşın alǧys bıldırdı. Aita ketu kerek, biznestıŋ äleumettık jauapkerşılıgı aiasynda merdıger ūiym jaryqtandyru jäne jalpy qūrylys jūmystaryn jürgızdı.