Ūranhaev saǧattyŋ auysuynan yŋǧaisyzdyqty sezbeidı

Abai oblysynyŋ äkımı Nūrlan Ūranhaev öŋırdıŋ äleumettık-ekonomikalyq damuyna bailanysty Ortalyq kommunikasiialar alaŋynda esep berdı, dep habarlaidy «Adyrna» tılşısı. Jurnalisterdıŋ bırı äkımge «Uaqyt beldeuınıŋ auysuyna bailanysty özıŋız basqaratyn oblysta saǧat keşkı 5-6 qaraŋǧy bolyp qalady. Būl jaǧdaiǧa memlekettık mekemede jūmys ısteitın jäne mektepte ekınşı auysymda oqityn oquşylar qinalyp jatqanyn aitady. Osy mäsele oŋynan şeşılu üşın öŋırde bır tosyn jaǧdai bolu kerek pe? Bır oquşyǧa qastandyq jasalǧany sekıldı problema bolu kerek pe degen sūraq tuady...» dep sūraq qoidy. Oblys äkımı uaqyt beldeuınıŋ auysuyna jauapty organ Sauda ministrlıgı ekenın eskerttı. «Solarǧa jügınıp, solardan sūrau kerek. Qazır men sızge jauap bere almaimyn. Ol bır. Ekınşıden, bır jyl eŋ kem degende kütu kerek. Şeşım qabyldandy, ony bız är üş ai saiyn auystyrmaimyz ǧoi. Bır jyldan keiın bärı tüsınıktı bolady. Sol kezde dūrys pa, joq pa degendı köremız. Eŋ kem degende bır jyl kütu kerek», – dedı ol. Jurnalistıŋ «Özıŋızge osy uaqyt beldeuı yŋǧaily ma?» degen sūraǧyna «Eger men özımnıŋ jeke basymdy aitsam eşqandai yŋǧaisyzdyqty sezbeimın» dep qysqa jauap berdı.