Bır adam üiındı astynda qalǧan. Qys bastalmai qazandyq jaryldy

Qostanai oblysynda kotelnaiada jarylys bolyp, 1 adam zardap şektı dep habarlaidy "Adyrna" ūlttyq portaly.  Qostanai oblysynyŋ Amangeldı auylynda Mädeniet üiınıŋ jeke tūrǧan kotelniasynda qazandyq jarylyp, ǧimarattyŋ qūlauy oryn aldy. Qūtqaruşylar üiındıler astynan 1969 jyly tuǧan er adamdy alyp şyǧyp, ony jedel medisinalyq kömek qyzmetıne tapsyrǧan. Kuägerlerdıŋ aituynşa, ǧimarat ışınde basqa adamdar bolmaǧan. Oqiǧa ornynda tötenşe jaǧdailar departamentınıŋ qyzmetkerlerı, polisiia jäne jergılıktı atqaruşy organdar jūmys ısteude. Jergılıktı bilıktıŋ mälımdeuınşe, 2022 jyly ornatylǧan №2 qazandyq üş ekıqabatty tūrǧyn üi men äkımşılık ǧimarattardy, sonyŋ ışınde sot, mūrajai jäne Mädeniet üiın jylumen qamtamasyz etedı. Jylu jüiesın qaita qalpyna keltıru üşın bır jarym täulık ışınde konteinerlık tiptegı blochno-moduldık kotelnia ornatylady. Oǧan qosa, jylytu jüiesımen qosylǧan üilerge jyludy uaqytşa jetkızu şaralary qarastyrylǧan. Elektr quatynda üzılıster joq. Jergılıktı bilık 1969 jylǧy er adamnyŋ Amangeldı audandyq auruhanasyna jatqyzylǧanyn jäne oǧan qajettı medisinalyq kömek körsetılgenın mälımdedı. Sonymen qatar, sanaviasiia jelısı boiynşa Arqalyq qalasynyŋ öŋırlık auruhanasyna jetkızu mäselesın şeşu jäne emdeu şaralaryn tüzetu üşın anesteziologtar brigadasy jıberıldı.