Toqaev Qazaqstannyŋ Türkı memleketterı ūiymyndaǧy töraǧalyǧyn qorytyndylady

Qazaqstan Prezidentı Qasym-Jomart Toqaev «Orta dälızdıŋ» äleuetın tolyq paidalanu qajettılıgın atap öttı. Būl dälız türık älemınıŋ ärı qaraiǧy ekonomikalyq damuy üşın strategiialyq maŋyzdy bolyp tabylady. Qazaqstan Prezidentı osy mäselege qatysty pıkırın  Türkı memleketterı ūiymynyŋ 11 sammitınde jetkızdı, dep habarlaidy "Adyrna" ūlttyq portaly. Sammitte Toqaev Qazaqstannyŋ Türkı memleketterı ūiymyndaǧy töraǧalyǧynyŋ nätijelerın qorytyndylady. Onyŋ aituynşa, Qazaqstan töraǧalyǧy kezınde TURKTIME ūranymen bırqatar maŋyzdy jobalar jüzege asyrylyp, 80-nen astam ıs-şara ūiymdastyrylǧan. Astanada ötken V Düniejüzılık köşpendıler oiyndary men ortaq türık alfavitınıŋ qabyldanuy maŋyzdy tarihi oqiǧalar boldy. Būdan basqa, tūraqty ökılder instituty qūryldy. TMŪ-na qatysty erejeler daiyndalyp, bekıtuge jıberıldı. Memleket basşysy qarjy jäne investisiialar salasyndaǧy yntymaqtastyqty tereŋdetudıŋ maŋyzdylyǧyn da atap öttı. Onyŋ aituynşa, būl mäselede Türkı investisiialyq qory erekşe röl atqara alady. Ol sondai-aq barlyq taraptar Ortalyq bankter keŋesın qūru bastamasyn bırauyzdan qoldaǧanyn habarlady. Köpşılık «Orta dälız» dep atap ketken Transkaspii halyqaralyq kölık joly – Qytaidy Ortalyq Aziia, Kavkaz, Türkiia, sondai-aq Şyǧys Europa arqyly Europa odaǧymen bailanystyratyn temırjoldaǧy konteinerlık jük tasymaldau jelısı. Būl köpjaqty damu jobasy sanalady. Reseidıŋ sanksiiaǧa ūşyraǧan Transsıbır baǧytyna balama, qysqa jol.