2015 jyly nauryzdyŋ basynda Astanadaǧy audandyq polisiia bölımşelerınıŋ bırıne 48 jastaǧy kelınşek aryzdanyp, küieuınıŋ ız-tüzsız joǧalyp ketkenın habarlady. Sputnik Qazaqstan qylmystyq materialdarǧa süienıp, bedeldı biznesmennıŋ taǧdyryn baiandaidy.

Is saparǧa kettım dep joǧaldy

Polisiiaǧa kelgen äiel öz küieuın ekı künnen berı taba almai jürgenın jetkızdı. Otaǧasy Almatyǧa ıs saparmen baramyn degen. Sol ketkennen habarsyz ketıptı. "Oǧan bırdeŋe boldy. Işım sezedı. Qatty alaŋdap jürmın", - dedı Svetlana. Qūqyqqorǧauşylar aldymen joǧalyp ketken käsıpkerdıŋ kım ekenın zerdelei bastady. Söitse, 67 jastaǧy Anatolii ūzaq jyldar boiy elordada qūrylys biznesımen ainalysqan. Saqşylar bır närsege taŋǧaldy. Osy uaqytqa deiın käsıpker bırde-bır kikıljıŋge aralaspaǧan, eşkımmen janjaldaspai, öz käsıbın döŋgelete bergen. Barlyq ärıptesı, tıptı bäsekelesterı onyŋ jaqsy mınezı jaiynda jarysa aitty. Poliseiler astanalyq biznesmendı qylmyskerlerdıŋ qūrbany boldy degen şeşımge keldı. Oǧan ekı sebep bar. Anatolii ıs saparǧa şyqqanda özımen bırge qomaqty soma qarajat alyp şyqqan. Qylmyskerler sol aqşany alyp, käsıpkerdı öltırıp ketuı mümkın. Qylmystyŋ taǧy bır joly – tuystarynan tūtqynnyŋ qūnyn talap etu. Ony ūrlap äketıp, artynan aqşa bopsalauy yqtimal.

Svetlana terezelerdı nege aşyp tastady?

Künder zymyrap ötıp jatty. Alaida Anatoliidıŋ tuystaryna eşkım habarlasqan joq. Käsıpkerdıŋ özı de bailanysqa şyqpady. Tergeuşıler firmanyŋ keŋsesın ainalyp jüre berdı. Ol jerde joǧalǧan käsıpkerdıŋ avtokölıgı tūrdy. Basqa aiǧaq joq edı. Degenmen, ekı aptadan keiın osy qylmystyŋ nazar audararlyq taǧy bır nūsqasy şyǧa keldı. Anatoliidıŋ bırınşı nekesınen tuǧan qyzy polisiiaǧa kelıp, bırnärsege qatty küdıktenıp jürgenın jetkızdı. Onyŋ aituynşa, 3 nauryzda äkesın ızdep barǧanda Svetlana üidıŋ barlyq terezesın aşyp qoiǧan. Özı qalyŋ kiınıp alyp, aiaq kiımın de şeşpei jürdı. Üi qatty suyp ketıptı. Poliseiler būl däiekterdıŋ qylmysqa qandai qatysy bar ekenın bılmedı. Bıraq Svetlanadan qaitadan jauap aluǧa şeşım qabyldady. Jauap alu kezınde būrynǧy sūraqtar qoiyldy. Al "3 nauryzda öz üiıŋızde terezenıŋ bärın aşyp tastap, nege qalyŋ kiınıp jürdıŋız?" degen saualdy estıgende Svetlana jylap jıberdı.

"Küieuımdı ıs saparǧa jıbermeuım kerek edı. Älı künge deiın özımdı kınälı sezınıp jürmın. Sol künı mazam kettı, qatty alaŋdadym. Özımdı naşar sezıngennen keiın terezelerdı aşyp tastadym. Söitıp, kışkene basylamyn ba dep oiladym", - dedı ol.

Svetlananyŋ sözı senımdı şyqty. Onyŋ ötırık aityp tūrǧany bılınbedı. Alaida tergeuşıler erlı-zaiyptynyŋ qarym-qatynasy turaly tolyǧyraq bılgendı jön kördı.

Anatolii jas qyzdyŋ qūryǧyna qalai tüstı?

Poliseiler aldymen tuǧan-tuystarynan jauap aldy. Odan keiın dostarynyŋ oiyn tyŋdady. Söitse, Anatolii men Svetlana sonau 90-şy jyldardyŋ ortasynda kezdesken. Ol kezde biznesmennıŋ käsıbı döŋgelenıp tūrǧan bolatyn. Tapsyrys köp, aqşa da az emes. Bır balasy bar 18 jastaǧy qyz 37-den asqan käsıpkerdı op-oŋai ainaldyryp aldy. Anatoliidıŋ ekı balasy bar edı. Soǧan qaramastan, jas qyzben kezdesıp jürdı. Bas kezınde tabysty käsıpker Svetlanaǧa jeŋıl-jelpı qarady. Alaida uaqyt öte kele, onyŋ qūryǧyna qalai tüskenın özı de baiqamai qaldy. Er adam köp ūzamai bırınşı otbasyn tastap, jas qyzben qosylǧan. Ol kezde Svetlananyŋ aiaǧy auyr edı, artynan qyz bala düniege keldı. Bala tusa da, janjal azaiǧan joq. Anatolii biznestıŋ qamymen ünemı jūmysta jürdı. Al jas kelınşek klub pen diskotekany qalady, qydyrǧandy ūnatatyn. Aqyry ekeuı kelıse almaitynyn tüsındı. Svetlana ortaq mülıktıŋ jartysyn alǧannan keiın qyzyna da qaramady. "Äkesı tärbie bersın" dep kete bardy. Sol küiı ūşty-küilı joq bolyp kettı, qyzynyŋ qal-jaǧdaiyn sūrap bılgen de joq.

Qaraqşylyq şabuyl

Anatolii men Svetlananyŋ aiyrylysqanyna 10 jyl boldy. Osy uaqyt ışınde Anatolii basqa äielmen qosyldy. Odan bır qyzy düniege keldı. Bıraq Svetlana üşın alynbaityn qamal bolmady. Būrynǧy küieuınıŋ osal jerın bıle tūra, taǧy da basyn ainaldyryp, özıne qaratyp alady. Anatolii köp ūzamai üşınşı äielın tastap, būrynǧy kelınşegıne qaita qosyluǧa ūsynys jasaidy. Svetlana bırden kelısken joq. "Men tek bırge tūrǧan päterımızge ǧana baramyn. Qosylsaq, kezınde özım ketıp qalǧan üige baryp qosylamyn", - dep talap qoiady. Anatolii qarsylyq bıldırgen joq. Söitıp, üşınşı äielı men qyzyna päter alyp beredı de, bölek şyǧarady. Üiınıŋ ışın tügel jöndep, Svetlanany kırgızedı. Ekeuı qosylǧan soŋ, būrynǧy ūrys-kerıs qaita bastalady. Anatolii men Svetlananyŋ telehikaiaǧa ūqsas ömırı tergeuşılerdı oilandyrmai qoimady. Alaida eşqandai dälelder bolmady. Sodan saqşylar äieldıŋ ızıne tüsıp, aŋduǧa köşedı. Svetlana jıtı baqylauda ekenın sezıp qalady. Bırneşe künnen keiın käsıpkerdıŋ äielı polisiiaǧa özı baryp, küieuınıŋ joǧaluyna qatysty tyŋ derekterdı jaiyp salady. Onyŋ sözıne qaraǧanda, 1 nauryzda tünde qaraqşylar üige basa köktep kırgen. Anatoliidı ūryp-soǧyp, aqşa talap etıptı. Aqşa tappaǧannan keiın küieuın ūrlap ketken. Körşıler ol künı aiǧai-şudyŋ bolǧanyn rastady. Bıraq qatty dauystar bastalǧan boida sap tyiylǧan. Tergeuşıler bır närsenı tüsınbei, dal boldy. Tüngı qaraqşylar altynşy qabattaǧy päterge qalai kırgen? Terezeler bütın, esık te būzylmaǧan. Svetlananyŋ özı osy sūraqqa jauap bere almady. Degenmen, aitqanynan qaitqan joq.

Öz qolymen tūnşyqtyryp tastady

Tergeuşıler Anatoliidıŋ eşqaida ketpegenın jäne soŋǧy ret öz üiınde bolǧanyn anyqtady. Bıraq ılıp alar dälel bolmady. Sodan soŋ arnaiy himiialyq preparatty qoldanyp, päterdıŋ ışın taǧy qarap şyǧuǧa şeşım qabyldandy. Onyŋ kömegımen bır tüiır qandy da anyqtauǧa bolatyn edı. Himiialyq preparatty sepkennen keiın qannyŋ ızderı jatyn bölmeden jäne dälızden tabyldy. Al vannada qannyŋ köp mölşerde bolǧany anyqtaldy. Svetlana ondai tekserıstıŋ nätijesıne aŋ-taŋ boldy, sasyp qalǧannan ne aitaryn bılmedı. Tergeuşıler äieldıŋ jaŋa hikaiasyn kütpesten bırden jauap aluǧa kırıstı. Osy kezde äiel öz kınäsın moiyndady. Svetlananyŋ aituynşa, soŋǧy uaqytta ekeuı jiı ūrsysyp tūrdy. Sebep bıreu – aqşa. Anatolii būrynǧydai köp tabys tappady. Al Svetlana ädemı ärı bai boludy qalady. Küieuınıŋ köp aqşa tappaitynyn tüsıngennen keiın öz baqytyn syrttan ızdei bastady. Anatolii bärın sezıp jürdı. 1 nauryzda ekeuı taǧy qatty ūrsysyp qalady. Svetlana ketemın dep, jinalauǧa kırısken. Osy kezde Anatolii onyŋ qolynan ūstap, bölmege süirei bastady. Sodan ekeuı töbelesıp kettı. Svetlana ony qatty iterıp jıberedı. Küieuı basyn soǧyp, esınen tanyp qalady. Äielı üstıne mınıp alady da, öz qolymen tūnşyqtyryp tastaidy.

Mäiıttı anasynyŋ qabırıne aparǧan

Svetlana küieuın öltırgennen keiın denesınen qūtyludyŋ amalyn qarastyrady. Sodan bır ǧana ädısın oilap tapty. Mäiıttı vannaǧa aparyp, bölşektep, sodan soŋ bölek-bölek paketterge salyp, ekı kün boiy üide ūstaidy. Däl sol kezde Anatoliidıŋ bırınşı nekeden tuǧan qyzy kelıp ketken. Qylmysker äiel mäiıt bölşekterın bırtındep şyǧarǧan. Bıraq kül-qoqysqa laqtyrmady. Aidalaǧa kömgen de joq. Ziratqa aparyp, öz anasynyŋ qabırıne tastaidy. Söitse, būl Anatoliidıŋ öz ötınışı bolǧan eken. Toidan keiın ol Svetlananyŋ anasymen tez tıl tabysyp, öz anasyndai jaqsy körıp ketıptı. Enesı qaitys bolǧanda özın sonyŋ qasyna jerlesın dep ötınış bıldırgen. Svetlana küieuınıŋ ötınışın oryndady. Bıraq jer qatyp tūrǧannan keiın qabırdı qaza almady. Paketterdı qarmen jaba saldy. Sotta Svetlana küieuın ädeiı öltırgen joqpyn dep şyqty. Mūnyŋ bärı oqys oqiǧa dedı. Onyŋ aituynşa, Anatolii ony ylǧi ūryp-soǧyp, kemsıtetın. Sottyŋ şeşımımen Svetlana on jylǧa bas bostandyǧynan aiyryldy.