Aqtöbe oblysynda qorǧanys ministrlıgıne tiesılı tıkūşaq qūlap, bır adam qaza tapty, dep habarlaidy "Adyrna" ūlttyq portaly QazTAG agenttıgıne sıltep.
Odan bölek, ekı adam zardap şektı.
«Martök audanynyŋ Hlebodarovka auyly maŋynda tıkūşaq qūlady», – delıngen agenttık aqparatynda.
Aqtöbe oblysynyŋ densaulyq saqtau basqarmasynda qalaǧa ekı nauqas jetkızıletını de aitylǧan.
«Aerodromda ekı jedel järdem brigadasy kütıp tūr. Reanimatologtar, travmatologtar jäne kombustiologtardan qūralǧan şūǧyl brigada MOB qabyldau bölmesınde kütıp otyr», – dep qosty oblystyq densaulyq saqtau basqarmasy.
Apatqa qatysty tötenşe jaǧdailar ministrlıgı de aqparat berdı. Derekte äue kemesınıŋ «qatty qonuy» turaly habarlaǧan.
«Bügın, 9 qaraşa künı 11:40-ta «112» qyzmetıne Märtök audanynyŋ Saryjar auyly maŋynda tıkūşaqtyŋ «qatty qonuy» turaly habar tüstı. Äue kemesı, aldyn ala mälımet boiynşa, QR Qorǧanys ministrlıgıne tiesılı. Oqiǧa ornyna TJD küşterı men qūraldary: bes tehnika jäne 23 adam jıberıldı. Oqiǧa ornyna jetken TJM qūtqaruşylary örttı söndırdı. Mİ-8 ülgısındegı tıkūşaq bortynda üş adam bolǧan. Sonyŋ bırı qaza tapty. Ekı zardap şekken azamat Aqtöbe qalasyna QR QM VİSVO IаK-40 ūşaǧymen jetkızıldı. Oqiǧa turaly aqparat naqtylanuda», – dep habarlady TJM.
Ötken jyly Taldyqorǧandaǧy äskeri aerobazada jauyngerlık ūşaqty daiyndau kezınde äskeri qyzmetşı qaza tapqan bolatyn.
Ūqsas jaŋalyqtar
