«Adal Ūrpaq» mektep klubtarynyŋ qalalyq sletınıŋ aqtyq kezeŋı öttı

2024 jylǧy 14 qaraşada Astana qalasynda «Adal Ūrpaq» erıktı mektep klubtarynyŋ qalalyq sletınıŋ aqtyq kezeŋı sättı öttı. Is-şara barysynda qala mektepterınıŋ oquşylary sybailas jemqorlyqqa qarsy küres jäne adaldyq qaǧidattaryn nasihattaityn teatrlandyrylǧan qoiylymdaryn ūsyndy. Slet ekı kezeŋnen tūrdy: ırıkteu jäne aqtyq kezeŋder. Irıkteu kezeŋderı qalanyŋ är audanynda ötkızıldı, nätijesınde üzdık dep tanylǧan 10 mektep aqtyq kezeŋge öttı. Är mektep öz qoiylymynda «Jemqorlyqsyz ömır – Adal ömır» taqyrybyn aşyp, ädıldık pen ar-namys qaǧidalaryn körsettı. Is-şarany ūiymdastyruǧa Astana qalasy Işkı saiasat basqarmasy, QR Sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentı, Astana qalasynyŋ Bılım basqarmasy jäne «Qaraǧandy oblysynyŋ jastar men balalar ūiymdarynyŋ odaǧy» jastar qoǧamdyq bırlestıgı qoldau körsettı. Aqtyq kezeŋnıŋ nätijesı boiynşa jüldelı oryndar kelesıdei bölındı: - 1 oryn jäne 100 000 teŋgelık sertifikat – Mūqaǧali Maqataev atyndaǧy №74 mektep-gimnaziiasy; - 2 oryn jäne 50 000 teŋgelık sertifikat – Abai Qūnanbaiūly atyndaǧy №87 mektep-gimnaziiasy; - 3 oryn jäne 30 000 teŋgelık sertifikat – Dınmūhamed Qonaev atyndaǧy №66 mektep-liseiı. Barlyq qatysuşy mektepter belsendı qatysqany üşın diplomdarmen marapattaldy. Būl slet jastardy sybailas jemqorlyqqa qarsy küreske, adaldyq pen ädıldıkke baulyp, ūltymyzdyŋ jarqyn bolaşaǧyn qalyptastyruǧa öz ülesın qosatyn maŋyzdy şara bolyp sanalady.