Ukraina prezidentı Vladimir Zelenskii Kiev kelesı jyly Reseimen soǧysty "diplomatiialyq jolmen" aiaqtaǧysy keletının mälımdedı, dep habarlaidy "Adyrna" ūlttyq portaly Golos Ameriki-ǧa sılteme jasap.
Būl turaly Ukraina prezidentı Ukrainalyq radioǧa bergen sūhbatynda aitty.
Zelenskii būl mälımdemenı AQŞ-tyŋ būrynǧy prezidentı Donald Tramp bilıkke qaita oralsa, soǧys "erterek" aiaqtaluy mümkın ekenın aitqannan keiın jasady.
Sonymen qatar, Resei prezidentı Vladimir Putinnıŋ Germaniia kanslerı Olaf Şolspen telefon arqyly söileskennen keiıngı ekınşı künı būl mälımdeme jasaldy. Şolstyŋ bastamasymen ötken būl söilesu Kievtıŋ qarsylyǧyna qaramastan ūiymdastyryldy.
"Bız öz tarapymyzdan kelesı jyly soǧysty aiaqtau üşın bar küşımızdı saluymyz kerek. Diplomatiialyq jolmen. Būl öte maŋyzdy", – dedı Zelenskii Ukrainalyq radioǧa bergen sūhbatynda.Resei men Ukraina arasynda älı de maŋyzdy kelıssözder bolmaǧany atap ötıldı. AQŞ-tyŋ jaŋadan sailanǧan prezidentı Donald Tramp soǧysty toqtatu üşın tez arada kelısımge keluge uäde bergen bolatyn.
"Reseidıŋ nenı qalaitynyn tüsınuımız kerek", – dedı Zelenskii.Vladimir Putin Ukrainamen kelıssözder jürgızuge tek qana Kiev Mäskeu basyp alǧan ukrain aumaqtaryn tapsyryp, bırqatar qosymşa şarttardy oryndaǧan jaǧdaida ǧana kelısetının mälımdedı. Olardyŋ arasynda Ukraina NATO-ǧa kıru nietınen bas tartu da bar. Kreml būl talaptardy Germaniia kanslerı Olaf Şolspen telefon arqyly söilesken kezde qaitalaǧanyn habarlady. Zelenskii Putinnıŋ talaptaryn qabyldamady, sebebı Resei üşın "kapituliasiialyq şarttarmen kelıssözder jürgızu" tiımdı ekenın jäne olardyŋ mūndaiǧa eşqaşan jol bermeitının atap öttı. 2025 jyldyŋ aqpan aiynda Reseidıŋ Ukrainaǧa basyp kırgenıne 3 jyl bolady. Soŋǧy ailarda Resei äskerlerı Ukraina aumaǧyna bırtındep ılgerılep, äsker sany men qaru-jaraq jaǧynan Ukrainadan basym tüsude. Senbı künı Zelenskii reseilık äskerlerdıŋ ülken şyǧyndarǧa ūşyraǧanyn jäne keibır aimaqtarda olardyŋ «jyldamdyǧy baiaulaǧanyn» mälımdedı. Sonymen bırge, ol «orystardyŋ baiau bolsa da qysym jasap, alǧa jyljyp jatqanyn» moiyndady. Ol Ukrainanyŋ öz halqyn baǧalamaityn, tehnikasy köp jäne qanşa adam qaza tapqanyna nemqūraily qaraityn memleketpen küresıp jatqanyn atap öttı.
