Aqmola oblysynyŋ Sabyndy auylynda būrynǧy meşıtte gaz jarylysynan üş adam qaza tapty, dep habarlaidy "Adyrna" ūlttyq portaly.
Ǧimaratta as beru räsımı ötıp jatqan.
Oblystyq TJD mälımetınşe, jarylys gaz-aua qospasynyŋ jaryluy nätijesınde oryn alyp, örtenusız ǧimarattyŋ qūlauy bolǧan.
"Nätijesınde 1978 jyly tuǧan er adam qaza tapty. Qūtqaruşylar 1983 jylǧy äiel men 2012 jylǧy balanyŋ denelerın tapty. 16 adam Astana qalasynyŋ qalalyq auruhanasyna jetkızıldı", - dep habarlady QR TJM.Sonymen qatar, qūtqaruşylar ǧimarattan jetı gaz ballonnyŋ altauyn şyǧardy.
"Qazırgı uaqytta üiındılerdı tazalau jūmystary jalǧasuda. Oqiǧa ornynda oblystyq TJD-nıŋ 30-ǧa juyq jeke qūram müşesı men bes tehnika bırlıgı, sondai-aq, jedel qūtqaru jasaǧy, Apattar medisinasy ortalyǧynyŋ psihologtary men Astana qalasynyŋ kinologiialyq qyzmetı jūmys ısteude", - dep mälımdedı TJM.Jarylystyŋ sebebı Aqmola oblysy men Astana qalasynyŋ TJD-nıŋ zertteu synaq ört zerthanasy arqyly anyqtalady.
