Amerikalyq milliarder İlon Masktyŋ Tegeran men Vaşington arasyndaǧy şielenıstı bäseŋdetu maqsatynda BŪŪ-daǧy İrannyŋ tūraqty ökılı Amir Said İravanimen kezdeskenı jaily aqparat tarady, dep habarlaidy "Adyrna" ūlttyq portaly Anadoly agency-ge sılteme jasap.
New York Times derekterıne säikes, aty-jönın jariialamaudy sūraǧan ekı irandyq şeneunıktıŋ aituynşa, kezdesu 14 qaraşada Niu-Iorkte ötken. Olar būl kezdesudıŋ bır saǧattan astam uaqytqa sozylǧanyn jäne onyŋ «pozitivtı» jaǧdaida ötkenın aitty. Sondai-aq, kezdesu «jaqsy nätijelerge» äkeluı mümkın dep kütılude.
Masktyŋ bastamasymen ūiymdastyrylǧan būl kezdesude İravani İranǧa investisiia saludy ūsynǧan. Sonymen bırge, ol İranǧa qatysty sanksiialardy alyp tastau mäselesın köteruge keŋes bergen.
BŪŪ-daǧy İrannyŋ tūraqty ökıldıgı jäne Donald Tramptyŋ baspasöz hatşysy Stiven Chung mūndai qūpiia kezdesu turaly pıkır bıldıruden bas tartqan.
İrannyŋ syrtqy ıster ministrı Abbas Erakchi 14 qaraşa künı äleumettık jelılerde İrannyŋ iadrolyq baǧdarlamasyna qatysty daular tek yntymaqtastyq pen dialog arqyly şeşıluı mümkın ekenın atap ötken.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz