Halyqaralyq standart tranzaksiialardyŋ qauıpsızdıgı men naqtylyǧyn odan ärı jaqsarta tüsedı.
2024 jyldyŋ 25 qaraşasynan bastap qazaqstandyq tölem jüiesı bankter arasyndaǧy özara qarjylyq aqparat almasu üşın ISO 20022 halyqaralyq standartyn paidalanuǧa köşedı. ForteBank öz klientterınıŋ jaŋa standartqa köşuı üşın bank jüiesıne barlyq qajettı özgerısterdı engızdı. Barlyq qarjylyq qyzmetter būrynǧydai qoljetımdı, al operasiialar yŋǧaily ärı qauıpsız.
«Bükıl älem ISO 20022 standartyna köşıp jatyr, būl standarttyŋ bırqatar artyqşylyqtary bar: tölemder jyldamyraq öŋdeledı, ärı taldau men esep beru üşın keŋırek jäne naqtyraq derekter qamtylady. Bız bank jüielerınıŋ vendorlarymen jaŋa tölem formatyn qalyptastyruǧa, sondai-aq ISO 20022 standartyna köşuge bailanysty engızıletın jaŋa tölem rekvizitterın äzırleu men testıleu boiynşa jūmystar jürgızdık. Sol siiaqty, bızdıŋ klientter de 25 qaraşadan keiın tölemnıŋ jaŋa rekvizitterı boiynşa derekterdı ūsynu üşın özderınıŋ esep jüielerın özgertuı kerek», – dep tüsındırdı ForteBank-tıŋ tölem jüielerı baǧytynyŋ jetekşısı Aigerım Qūttybaeva.
Jaŋartylǧan standart boiynşa tölem qūjattarynda jaŋa örıster paida bolady: eger aqşa jıberuşı nemese aluşy Qazaqstannyŋ rezidentı bolmasa, onda olardyŋ rezidenttıgı körsetuı tiıs.
Sonymen qatar, audarymǧa basqa tūlǧalar qatyssa, olardy «naqty töleuşı» jäne «naqty benefisiar» degen bölek örısterde körsetu qajet.
Būl özgerıster barlyq bank audarymdaryna, sonyŋ ışınde şeteldık rezidentterge jalaqy audarymdaryna qatysty qoldanylady. Jaŋa örıster internet-bankingte, mobildı qosymşada jäne jazbaşa tölemge engızıletın bolady.
Jaŋa standarttar bank kartalary arqyly jasalatyn tölemderge äser etpeidı. Sondai-aq, halyqtyŋ bank kartalarymen tölem jasauyna, QR-kodtar arqyly tölemderge, mobildı audarymdarǧa, bankomattan qolma-qol aqşa aluǧa jäne basqa da kündelıktı operasiialarǧa özgerıs engızılmeidı.
ISO 20022 standartyna köşu qarjy operasiialarynyŋ qauıpsızdıgın odan ärı küşeitıp, joǧary sapa men jyldamdyq standarttaryn saqtauǧa kömektesedı.
