Şymkentte jylytu mausymy bastalǧaly 54 myŋ tūrǧynǧa qauıpsızdık şaralary tüsındırılıdı

Şymkent qalasynda 2024-2025 jylǧy jylytu mausymynda tötenşe jaǧdailardyŋ aldyn alu maqsatynda auqymdy jūmystar qarqyn aldy. Tötenşe jaǧdailar departamentı tūrǧyndardyŋ qauıpsızdıgın qamtamasyz etu üşın jüielı türde aqparattyq, profilaktikalyq jäne tehnikalyq ıs-şaralar jürgızıp jatyr. Mausymnyŋ basynan berı 54 myŋnan astam adam qauıpsızdık şaralary turaly aqparatpen qamtylyp, äleumettık osal toptarǧa erekşe köŋıl bölındı. Äleumettık jelılerde 200-den astam post jariialanyp, tūrǧyndarǧa qauıpsızdık şaralary tüsındırıldı. Būqaralyq aqparat qūraldarynda 123 material jaryq kördı, onyŋ ışınde: 37 gazet maqalasy, 23 telehabar, 63 radio habarlama. Qalanyŋ şaǧyn audandarynda 185 ret dauys zoraitqyşpen tüsındırme habarlamalar jasaldy. * 25 848 tūrǧyn üi aralanyp, tüsındıru jūmystary jürgızıldı. * 68 interaktivtı sabaq ötkızılıp, 2 000-nan astam oquşy qauıpsızdık negızderın meŋgerdı. * Qoǧamdyq oryndar men şaǧyn audandarda 82 jiyn ūiymdastyrylyp, oǧan 3 myŋǧa juyq adam qatysty. Qaladaǧy äleumettık jaǧdaiy tömen otbasylar men gazdandyru jürgızılmegen tūrǧyn üilerge erekşe köŋıl bölındı: * 136 üige gazanyqtaǧyş qūrylǧylar ornatyldy, būl uly gazdyŋ äserın anyqtap, qauıpsızdıktı qamtamasyz etuge mümkındık beredı. * 193 üidıŋ tütın mūrjalary tazalandy, būl peştı dūrys qoldanu arqyly tötenşe jaǧdailardyŋ aldyn aluǧa baǧyttalǧan şara.