Qazaqstanda 21 qaraşa künı dabyl sirenalary ıske qosylady

Tötenşe jaǧdailar ministrlıgı 2024 jylǧy 21 qaraşada elımızdıŋ barlyq aimaqtarynda azamattyq qorǧanys jüiesınıŋ dabyl sirenalary ıske qosylatynyn mälımdedı, dep habarlaidy "Adyrna" ūlttyq portaly. Būl şara respublikalyq «Qys-2024» komandalyq-ştabtyq oqu-jattyǧuyna bailanysty ötkızıledı. Oqu-jattyǧular 21-22 qaraşa aralyǧynda ūiymdastyrylady. Al respublikalyq ştab Aqmola oblysynyŋ Kökşetau qalasynda ornalasady. Mūndai şaralar azamattyq qorǧanys jüiesınıŋ jūmysqa daiyndyǧyn tekseru jäne tötenşe jaǧdailar kezınde halyqty jedel aqparattandyru maqsatynda ötkızıledı. Ministrlık būl tekseru josparly sipatta ekenın jäne halyqqa qauıp töndırmeitının atap öttı. Tūrǧyndar dabyl kezınde sabyr saqtap, resmi aqparatty telearnalar men radiodan tyŋdauy qajet.