Serık Säpiev - jaŋa qyzmetke ümıtker

Belgılı qazaqstandyq sportşy Serık Säpiev memlekettık qyzmetke qaita oralady, dep habarlaidy «Adyrna» ūlttyq portaly. Būl aqparat aimaqtyq sport basqarmalary basşylaryn taǧaiyndau jönındegı komissiianyŋ otyrysynda belgılı boldy. Qazaqstannyŋ Turizm jäne sport ministrlıgınıŋ baspasöz qyzmetınıŋ mälımdeuınşe, otyrys Astanada ministr Erbol Myrzabosynovtyŋ töraǧalyǧymen öttı. Onda Qaraǧandy jäne Pavlodar oblystarynyŋ dene şynyqtyru jäne sport basqarmalarynyŋ basşylyq qyzmetterıne ümıtkerler qaraldy. Komissiia Londondaǧy Olimpiada oiyndarynyŋ chempiony, boksşy Serık Säpievtıŋ Qaraǧandy oblysy dene şynyqtyru jäne sport basqarmasynyŋ basşysy lauazymyna kandidaturasyn maqūldady. Al Pavlodar oblysynda būl qyzmettı Sport jäne dene şynyqtyru ısterı komitetı töraǧasynyŋ orynbasary Azamat İmaşev basqarady. Otyrysta komissiia müşelerı ümıtkerlerdıŋ käsıbi täjıribesı, öŋırdegı sportty damytu josparlary, sondai-aq sport ǧylymy men menedjmentı salasyndaǧy bılımderı turaly sūraqtar qoidy. «Memleket basşysy XXXIII jazǧy Olimpiada oiyndarynyŋ jüldegerlerımen kezdesu barysynda öŋırler sporttyŋ qandai türlerın damytu kerektıgın özderı şeşıp jatqanyna nazar audardy. Osyǧan bailanysty Prezident ükımetke sport salasyndaǧy basqaru vertikalın barlyq deŋgeide qaita qalpyna keltırudı tapsyrdy. Endı oblystyq sport basqarmalarynyŋ basşylyq qyzmetterıne kandidattardy Turizm jäne sport ministrlıgı janyndaǧy komissiia bekıtedı», – dedı Erbol Myrzabosynov. Kandidaturalardy äkımdıkter ūsynady. Ministrlık janyndaǧy komissiianyŋ oŋ qorytyndysyn alǧandar ǧana taǧaiyndalady.