24 qaraşa künı Almaty qalasynda XVII halyqaralyq «Euraziia» kinofestivalınıŋ saltanatty aşyluy öttı, dep habarlaidy «Adyrna» tılşısı.
Kinofestival qatysuşylaryna prezident Qasym-Jomart Toqaev arnaiy qūttyqtau hatyn joldady. Hatty Mädeniet jäne aqparat ministrı Aida Balaeva oqyp berdı. Memleket basşysynyŋ hatynda elde ūlttyq kinematografiiany qoldauǧa basa män berılıp otyrǧany atap ötılgen.
«Euraziia» kinofestivalı Qazaqstan men bükıl Ortalyq Aziianyŋ maŋyzdy mädeni brendıne ainaldy. Būl rette älemge äigılı şeteldık kinogerler men sarapşylarden qūralǧan qazylar alqasyna erekşe toqtala ketkım keledı.
Festival baǧdarlamasynda ekı negızgı baiqau boldy. Halyqaralyq baiqauǧa Kann kinofestivalınde «Altyn palma būtaǧyn» ielengen älemdık kinonyŋ aŋyzy Nuri Bılge Jeilan jetekşılık ettı. Qazylar alqasynyŋ qūramynda Rano Şodieva (Özbekstan), Nada Ajari Gillon (Fransiia), Artyqpai Süiındıkov (Qyrǧyzstan) jäne Erlan Nūrmūhambetov (Qazaqstan) bar.
Al Ortalyq Aziia men Türkı älemı elderınıŋ baiqauyna qytailyq rejisser Li Baohua töraǧalyq ettı. Filmderdı Abdelila El Djauhari (Marokko), Aleksei Telnov (Resei) jäne qazaqstandyq prodiuser Janna Quanyşova baǧalaidy.
Sonymen qatar, qazylar alqasynyŋ qatarynda Nina Kocheliaeva (Resei), Gülbara Tölömüşova (Qyrǧyzstan) jäne Andre Rafael İvanov (Fransiia) bar.
Saltanatty aşylu räsımı aldynda bız qazylar alqasynyŋ müşelerımen bırge yntymaqtastyq mümkındıkterın talqyladyq. Barlyq qatysuşylar bırlese jūmys ısteuge daiyn ekenın jetkızdı. Būl yntymaqtastyq qazaq kinosynyŋ damuyna jaŋa ideialar men perspektivalar äkeletınıne senımdımın»,—dedı Aida Balaeva.
Halyqaralyq «Euraziia» kinofestivalı 24-30 qaraşa aralyǧynda ötedı. Festivalge 15-ten astam el qatysyp jatyr.
