Şymkentte oqu-jattyǧu kezınde granata jarylyp, bırneşe kursant jaraqat aldy. Būl aqparatty qalalyq polisiia departamentınıŋ baspasöz qyzmetı rastady, dep habarlaidy “Adyrna” ūlttyq portaly.
Būǧan deiın äleumettık jelılerde Şymkenttegı Bauyrjan Momyşūly atyndaǧy oqu ortalyǧynda poliseiler oqu-jattyǧu ötkızıp jatqany, onyŋ barysynda "kütpegen jerden şuly granata laqtyrǧany" turaly aqparat paida bolǧan. Bes adamnyŋ jaralanǧany habarlanǧan edı.
"Būl faktı josparly oqu-jattyǧu şaralary kezınde oryn alǧan. Oqiǧanyŋ barlyq män-jaiyn anyqtau maqsatynda tergeu amaldary jürgızılude", – dep habarlady Şymkent qalalyq ışkı ıster departamentınıŋ baspasöz qyzmetı.
Sonymen qatar ekı kursanttyŋ älı auruhanada jatqany belgılı boldy.
"Qazırgı uaqytta ekı kursant medisinalyq mekemede emdelıp jatyr, olardyŋ jaǧdaiy tūraqty", – delıngen habarlamada.
