Qazaqstannyŋ mädeniet jäne aqparat ministrlıgı oblystaǧy mädeniet nysandarynyŋ qūrylysyn jedeldetıp, şyǧarmaşylyq industriiaǧa qoldau körsetu üşın jaŋa qorlar men zaŋdar qabyldady. Sonymen qatar, aqparattyq saladaǧy reformalar jurnalisterdıŋ käsıbi tūrǧydan damuyna baǧyttalǧan. Būl turaly Qazaqstan Respublikasynyŋ Mädeniet jäne aqparat vise-ministrı Evgenii Kochetov jurnalistermen ötken brifingte mälımdedı, dep habarlaidy Öŋırlık kommunikasiialar qyzmetınen.
Ministrlıktıŋ negızgı baǧyttarynyŋ bırı — mädeniet salasyn damytu, onyŋ ışınde mädeniet nysandarynyŋ qūrylysymen jäne qaita jöndeumen bailanysty mäseleler. Vise ministr osy salada atqarylǧan jūmys jaiynda baiandady.
«2023 jyly mädeniet salasynda 44 jaŋa nysan boi köterıp, 260 nysan kürdelı jöndeuden ötken. Būl jūmystardyŋ nätijesınde 2024 jyldyŋ soŋyna deiın 45 jaŋa mädeniet nysany salynyp, 255 nysan kürdelı jöndeuden ötedı dep josparlanyp otyr. Aqmola oblysynda mädeniet nysandarynyŋ qūrylysy «Auyl — El besıgı» baǧdarlamasy aiasynda jüzege asyryluda. Mysaly, 9 jaŋa mädeniet nysany salyndy, 3 nysan rekonstruksiiadan öttı, 85 nysan jöndeu jūmystaryna ūşyrady. Aldaǧy uaqytta Burabai audanynda jaŋa mädeniet nysany aşylmaq, al Selinograd audanynda da osyndai jūmystar bastalady», — dedı Evgenii Kochetov.Ministrlık, sondai-aq şyǧarmaşylyq adamdardy qoldau baǧytynda türlı syilyqtar men marapattar ūiymdastyrady. Kelesı aptada ūlttyq ädebiet syilyǧy, «Ruhani qazyna» festivalı men «Ūmai» teatraldyq öner syilyǧy tabystalady. Vise-minstr sondai aq Qazaqstandaǧy kino industriia jaŋalyqtarymen de bölıstı. Onyŋ aituynşa, Senatta otandyq filmderdı qarjylandyruǧa arnalǧan arnaiy zaŋ jobasy talqylanuda. Būl özgerıster Qazaqstannyŋ mädeniet salasyn damytuǧa baǧyttalǧan jaŋa qarjylandyru mehanizmderın engızuge mümkındık beredı. Aqmola oblysynda da kino salasyna qatysty jaŋa täsılder engızılıp, memlekettık qoldau körsetu baǧytynda konkurstyq räsımder men qarjylandyru şarttary qaita qaraldy. Sonymen qatar eldegı aqyn jazuşylarǧa jasalyp jatqan qoldau jaiy da söz boldy.
«Ädebiet barlyq önerdıŋ töresı sanalady. Sondyqtan da otandyq aqyndar men jazuşylardy qoldau memlekettık saiasattyŋ basty baǧyttarynyŋ bırı bolyp qala beredı. Soŋǧy jyldary memleket jaŋa tuyndylar şyǧaruǧa, äsırese jas talanttardy qoldauǧa erekşe nazar audaruda. Jaŋa şyǧarmalardyŋ basylyp şyǧuy, sondai-aq mädeni mūrany saqtau üşın būrynǧy şyǧarmalar qaita basylyp, jastar arasynda ädebietke degen qyzyǧuşylyqty arttyru jūmystary jalǧasuda», — dep tolyqtyrdy vise-ministr.Vise-ministrdıŋ aituynşa, Qazaqstanda kreativtı industriiany damytuǧa erekşe köŋıl bölınude. Memleket basşysynyŋ tapsyrmasyna säikes, kreativtı käsıpkerlerge qoldau körsetu üşın arnaiy qor qūrylyp, zaŋ jobasy äzırlenude. Kreativtı habtar qūru arqyly halyqtyŋ şyǧarmaşylyq äleuetın damytu maqsatynda respublikada 10 hup aşyldy, al 2024 jyly Aqmola oblysynyŋ Kokşetau qalasynda jaŋa kreativtı hup aşu josparlanuda. Būl jobalar adamdarǧa öz qolymen jasaǧan dünielerın tabys közıne ainaldyruǧa mümkındık beredı. Kreativtı industriiaǧa memleket tarapynan qoldau körsetu üşın ūlttyq lotoreia operatorynyŋ qarajatynyŋ üş paiyzy bölınedı. 2023 jyly jurnalister üşın maŋyzdy zaŋnamalyq özgerıster boldy. Jurnalistika salasyndaǧy käsıbi standarttardy nyǧaitu üşın «Masmedia turaly» zaŋ qabyldanyp, jurnalisterdıŋ akkreditasiiasy turaly jaŋa erejeler engızıldı. Onlain jarnama jäne platformalar boiynşa da jaŋa zaŋdar küşıne endı.
«Endı blogerler jarnamalardy mındettı türde belgılep, özderınıŋ jariialanymdaryna jauapty boluǧa tiıs. Būl zaŋnamalyq şaralar blogerler men onlain jarnama naryǧyn retteuge baǧyttalǧan jäne memlekettıŋ osy saladaǧy kırısterın arttyruǧa mümkındık beredı», — dep tüiındedı vise-ministr.Bügıngı künı Qazaqstanda köptegen qaiyrymdylyq ūiymdary jūmys ısteidı, alaida būl salada da keibır zaŋsyzdyqtar men mäseleler tuyndap otyr. Vise-minstrdıŋ aituynşa, Ministrlık būl mäselege nazar audaryp, qaiyrymdylyq ūiymdaryna qatysty zaŋ jobasyn äzırleudı bastaǧan. Qazır osy salada jaŋa konsepsiia daiyn, aldaǧy uaqytta tiıstı zaŋnamalyq şaralar qabyldanady. Mädeniet jäne aqparat ministrlıgı aldaǧy uaqytta da mädeniettı damytu, şyǧarmaşylyq salalardy qoldau jäne aqparattyq qauıpsızdıktı qamtamasyz etu baǧytynda köptegen maŋyzdy şaralardy jüzege asyrudy josparlap otyr.
