Almatyda «Aiboz» ūlttyq ädebi syilyǧynyŋ jeŋımpazdaryn marapattau räsımı öttı. Qazaqstan Respublikasy Mädeniet jäne aqparat ministrlıgı ūiymdastyrǧan baiqau biyl üşınşı ret ötkızıldı.
Laureattardy qūttyqtaǧan Mädeniet jäne aqparat ministrı Aida Balaeva qazaq ädebietınıŋ damuyna qosqan ülesterı üşın jazuşylarǧa rizaşylyǧyn bıldırdı.
– «Aiboz» ädebi syilyǧy – söz önerınıŋ maitalmandaryn därıpteitın, olardyŋ şyǧarmaşylyǧyn elge tanytatyn erekşe syilyq, – dedı ministr.
Sondai-aq ol memleket tarapynan ruhaniiat salasyna erekşe män berılıp, ūdaiy qoldau körsetılıp jatqanyn atap öttı.
– Jyl saiyn Jazuşylar odaǧy Almaty qalasy äkımdıgımen bırlesıp almatylyq 400 qalamgerge, Astana qalasy äkımdıgımen bırlesıp astanalyq 80 qalamgerge qala äkımderınıŋ granttary tabystaluda. Ministrlık kıtap salasynda da jüielı jūmysty jalǧastyryp keledı. Mäselen, biyl qoǧamdyq maŋyzy bar ädebietterdı satyp alu baǧdarlamasyna boiynşa 52 avtorǧa qalamaqy tölendı. Jaŋa kıtaptar aldaǧy jyly köpşılık oqyrmanǧa jol tartady. Al qaita basyp şyǧaru baǧdarlamasy boiynşa 2023 jyl 134 kıtap jaryq körse, biyl jyl soŋyna deiın 189 jaŋa kıtap el kıtaphanalaryna taratylmaq, – dedı Aida Balaeva.
Biyl ministrlık Qazaqstan Jazuşylar odaǧymen «Strategiialyq ärıptestık» ornatu boiynşa üş jaŋa jobany jüzge asyrdy:
Jas qalamgerler «Qazaqstannyŋ ädebi-tanymdyq panoramasy» jobasy negızınde elımızdıŋ öŋırlerıne baryp, jaŋa şyǧarmalar jazdy. Jyl soŋyna deiın qazaq ädebietıne jiyrma jaŋa tuyndy qosylyp, är jas qalamger 4 mln teŋge kölemınde qalamaqy alady;
Jas qalamgerlerge arnalǧan «Jazuşylardyŋ şeberlık mektebı» ūiymdastyrylyp, otandyq jäne şeteldık bedeldı qalamgerlerdıŋ därısterı men şeberlık synyptary öttı; «TMD elderınıŋ arhivterındegı qazaqstandyq jazuşylardyŋ zertteu jūmystary» jobasy ūiymdastyryldy.2024 jyly Iliias Jansügırov, Beiımbet Mailin, Säken Seifullin, Äbış Kekılbaev, Fariza Oŋǧarsynova, Gerold Belger sekıldı bırqatar qalamgerlerdıŋ mereitoilyq datalary keŋ kölemde atap ötıldı.
Sonymen qatar, Memleket basşysynyŋ tapsyrmasymen Qazaqstanda jaŋa mereke – 23 säuır Ūlttyq kıtap künı belgılendı. Osyǧan orai ministrlık «Ūlttyq kıtap» baiqauyn jariialady.
Ministr ädebiet salasyn qoldauǧa arnalǧan bırqatar maŋyzdy bastamalarǧa nazar audardy. «Aiboz» syilyǧynan bölek, jas qalamgerlerge arnalǧan Prezidenttık arnauly ädebi syilyq, Mädenietaralyq jäne etnosaralyq bırlıktı nyǧaituǧa arnalǧan ädebiet salasyndaǧy syilyq, «Daryn» sekıldı bırqatar sylyqtar men baiqaular ūiymdastyrylyp keledı.
Biyl Mädeniet jäne aqparat ministrlıgınıŋ janynan jas jazuşylarǧa arnalǧan «Alqa» ädebi kluby qūryldy. Jas jazuşylar Iliias Jansügırovtyŋ 130 jyldyǧy jäne Berdıbek Soqpaqbaevtyŋ 100 jyldyǧyna arnalǧan ädebi tur ötkızdı.
– Memleket basşysy 2025 jyldy «Jūmysşy mamandyqtary jyly» dep jariialaǧany belgılı. Osy oraida, daryndy avtorlarǧa qoldau körsetıp, qoǧamdaǧy eŋbek mamandyqtarynyŋ maŋyzyn aşu maqsattynda jas qalamgerlerge arnalǧan «Erlık pen eŋbek dastany» baiqauy jariialanǧanyn da aita ketkım keledı. Mūnyŋ bärı ūlt ädebietın, qalamgerler qauymyn qoldauǧa baǧyttalǧan keşendı jūmystardyŋ aiqyn körınısı dep bılemız, – dep tüiındedı Aida Balaeva.
2024 jyly «Aiboz» syilyǧyna 7 nominasiia boiynşa 176 şyǧarma avtorlary ötınım berdı: «Üzdık proza» – 57, «Üzdık poeziia» – 37, «Üzdık dramaturgiia» – 16, «Üzdık ädebi syn» – 13, «Üzdık ädebi audarma» – 14, «Üzdık balalar ädebietı» – 31 jäne «Üzdık komiks» – 8 ötınım.
Jasyryn dauys beru nätijesı boiynşa, täuelsız qazylar alqasynyŋ şeşımımen «Mahambettıŋ ölım jazasy» romanynyŋ avtory Beket Qaraşin «Üzdık proza» nominasiiasynyŋ jeŋımpazy atandy, «Üzdık poeziia» nominasiiasynda – «Aikörkem» balladasynyŋ avtory Maraltai Raiymbekūly jeŋımpaz boldy. «Üzdık dramaturgiia» nominasiiasynda eŋ köp dauys Duman Ramazannyŋ «Äzıret Sūltan» pesasyna berıldı. «Üzdık ädebi audarma» nominasiiasy boiynşa Rauza Mūsabaeva «Taŋ jūldyzy» jūmysymen jeŋımpaz atandy. «Üzdık balalar ädebietı» nominasiiasynda Töken Äljantegınıŋ «Qyzyqtyŋ bärı auylda» şyǧarmasy üzdık dep tanyldy. Al «Üzdık ädebi syn» nominasiiasynda Jüsıpbek Qorǧasbektıŋ «Saitannyŋ oiyny» eŋbegı marapatqa ie boldy. «Üzdık komiks» avtory bolyp Jaqsylyq Sabitov «Joşy han» jūmysymen tanyldy.
Ūlttyq ädebi syilyqtyŋ jalpy jülde qory 35 million teŋgenı qūrady.
«Aiboz» – Qazaqstan Respublikasy Mädeniet jäne aqparat ministrlıgı qūrǧan ūlttyq ädebi syilyq, ol otandyq jazuşylardy qoldau jäne yntalandyru maqsatynda berıledı.