Atyrau oblysynda negızgı kapitalǧa salynǧan investisiia kölemı 1,7 trln teŋgenı qūrady

Būl turaly Atyrau oblysynyŋ äkımı Serık Şäpkenov QR Prezidentı janyndaǧy Ortalyq kommunikasiialar qyzmetınde ötken baspasöz brifingınde mälım ettı. Öŋır basşysynyŋ aituynşa, Atyrau oblysy respublika boiynşa investisiia tartudan köş bastap tūr. - Tūtastai alǧanda, elımızge tartylǧan investisiianyŋ 13%-y Atyrau oblysyna tiesılı. Al biyl 6 aida şeteldık tıkelei investisiia 1,1 mlrd AQŞ dollaryn qūrady. Barşyŋyzǧa belgılı Teŋız ken ornynda «Keleşek keŋeiu» jobasy aiaqtaluda. Osy joba aiasynda öŋırge biyl 840 mlrd. teŋge investisiia qūiyldy. Degenmen, aimaqta özge salalardy damytuǧa baǧyttalǧan investisiia kölemı jyl saiyn artyp keledı,- dedı S.Şäpkenov. Jyl basynan berı Atyrauda jalpy qūny 46,1 milliardtan asatyn 8 investisiialyq joba ıske qosyldy. Jyl soŋyna deiın 24,2 mlrd teŋge bolatyn 9 investisiialyq joba jūmysyn bastalady dep kütılıp otyr. Sondai-aq Memleket basşysy elımızdıŋ batysyndaǧy mūnai-gaz-himiia önerkäsıbı klasterın damytu jönındegı tapsyrmasy aiasynda jylyna 1,25 mln. tonna polietilen öndıretın «Sillleno» zauyty men  jylyna 1 mlrd. tekşe metr gaz öndıretın Eskenedegı zauyttyŋ qūrylysy jürıp jatyr. Aldaǧy jyldary  butadien, sintetikalyq kauchuk şyǧaratyn «Butadien» zauytynyŋ jäne gaz bölu keşenınıŋ qūrylysy bastalady dep kütılude.