Käsıpkerler men tūtynuşylar qūqyǧy: deputat tepe-teŋdıktı saqtauǧa şaqyrdy

Mäjılıs otyrysynda deputat Edıl Jaŋbyrşin ärıptesı Azat Peruaşevtıŋ käsıpkerlerge salynatyn aiyppūldardyŋ şamadan tys köptıgı turaly aitqan pıkırıne jauap berdı. Äkımşılık qūqyq būzuşylyq turaly kodekske özgerıster men tolyqtyrular engızu turaly zaŋ jobasyn talqylau barysynda deputat Jaŋbyrşin qoldanystaǧy aiyppūl jüiesınıŋ oŋ nätijelerın körsetıp jatqanyn atap öttı. "Men osy normalar boiynşa öz pıkırımdı bıldırgım keledı. Medaldıŋ ekı jaǧy bar. Bızdıŋ basty basymdyǧymyz Konstitusiiamyzdyŋ bırınşı tarmaǧynda jazylǧandai, adam ömırı, densaulyǧy jäne qūqyqtaryn qorǧau bolyp tabylady. Bız eŋ aldymen osyny qorǧauymyz kerek", – dep erekşe atap öttı Jaŋbyrşin. Onyŋ aituynşa, anyqtalǧan zaŋ būzuşylyqtardyŋ basym bölıgı jaramdylyq merzımı ötken önımderdı satu, tauarlardyŋ tehnikalyq reglamentterge säikes kelmeuı jäne baǧalar turaly şynaiy aqparattyŋ bolmauymen bailanysty. "2023 jyly säuır aiynda jergılıktı atqaruşy organdardan memlekettık qadaǧalau Ükımetke berılgen. Osy arada bügınge deiın käsıpkerlerge 1059 äkımşılık şaralar qoldanǧan. Bırınşı ret Zaŋdy būzǧany üşın. Būl qandai Zaŋdy būzuşylar? Özderıŋız jaqsy bılesızder, köbıŋız jergılıktı jerde jūmys jasadyŋyzdar. Būl - baǧany dūrys qoimau, baǧany tıptı qoimau nemese sörelerdegı tauarlardyŋ baǧasyn azaitatyn aksiialar jazyp qoiady"- dedı ol. Mäjılıs deputaty ärıptesterın jaǧdaidy mūqiiat qarastyruǧa jäne käsıpkerlerdı qoldau men tūtynuşylardyŋ qūqyqtaryn qorǧau arasyndaǧy tepe-teŋdıktı saqtauǧa şaqyrdy. "Sondyqtan, qūrmettı ärıptester, būl norma qazırdıŋ özınde nätijelerın körsetıp otyr, ony mūqiiat zerdeleuımız qajet. Asyǧys şeşım qabyldaudyŋ qajetı joq. Eger käsıpker adal jūmys ıstep, zaŋdy saqtasa, oǧan alaŋdaudyŋ qajetı joq. Baǧany dūrys körset, ädıl jūmys jasa, sapaly tauar sat – sonda eşkım saǧan aiyppūl salmaidy. Al eger zaŋ būzsaŋ, halyq aldynda jauap beruge tura keledı. Adal jūmys jasa, adamdardy aldama," – dep tüiındedı mäjılısmen.