«Özenmūnaigaz» AQ-daǧy jaǧdaiǧa qatysty mälımdeme

2024 jyly 12 qaraşada «Özenmūnaigaz» AQ-ǧa qarasty (būdan ärı – ÖMG) Būrǧylau jūmystary basqarmasy (BJB) qyzmetkerlerınıŋ käsıpodaǧy rūqsatsyz aksiia ūiymdastyryp, bırqatar talap qoiǧany belgılı. Özenmūnaigaz basşylyǧy BJB jūmysşylarymen tūraqty türde kelıssöz jürgızıp keledı. Sonymen qatar, 2024 jyly 3 jeltoqsanda «QazMūnaiGaz» ŪK AQ Basqarma töraǧasynyŋ orynbasary Bekzat Abaiyldanov Būrǧylau jūmystary basqarmasy qyzmetkerlerımen kezdesıp, olardy jūmysqa şyǧuǧa şaqyrdy. Kelıssöz qorytyndysy boiynşa hattama jasaldy: 1. Rūqsatsyz aksiiaǧa qatysqan BJB qyzmetkerlerı tolyq qūramda jūmysqa şyǧuy kerek. 2. Hattamanyŋ bırınşı tarmaǧy oryndalǧan jaǧdaida, jūmysşylarǧa QMG jäne ÖMG tarapynan tärtıptık jaza qoldanylmaidy; 3. Barlyq qoiylǧan talap QR zaŋnamasyna säikes bıtımgerlık komissiia otyrysynda qaralsyn. Hattama rūqsatsyz aksiiaǧa şyqqan jūmysşylardyŋ nazaryna jetkızıldı. Alaida, ÖMG BJB käsıpodaq töraǧasy oǧan qol qoiudan bas tartty. QR zaŋnamasyna säikes eŋbek qatynastary üşınşı tūlǧalardyŋ aralasuynsyz tıkelei jūmys beruşı men jūmysşylar arasynda retteluı tiıs ekenın habarlaimyz. «QazMūnaiGaz» ŪK AQ osyǧan deiın är talap boiynşa tolyq tüsınıkteme bergen bolatyn. Mysaly, ÖMG zeinetkerlerınıŋ (būrynǧy qyzmetkerlerınıŋ) balalary kompaniianyŋ ştatyna tıkelei alynsa, 2020 jyly bekıtılgen jūmysqa ornalasu algoritmın būzady. Algoritmge säikes ÖMG zeinetkerlerınıŋ balalary men jūmyssyz azamattar teŋ därejede jūmysqa qabyldanady. Būl talapty oryndau mümkın emes, öitkenı jūmysqa ornalasu kezegın kütıp otyrǧan Jaŋaözen qalasynyŋ basqa jūmyssyz tūrǧyndarynyŋ qūqyǧyn būzady. Sondai-aq, QazMūnaiGaz kompaniiasy ÖMG qyzmetkerlerıne körsetıletın äleumettık kömek turaly tolyq aqparat berdı. ÖMG men üş käsıpodaq arasyndaǧy ūjymdyq şart 2024 jyly 25 säuırde jasaldy. Ūjymdyq şartqa säikes ÖMG qyzmetkerlerın äleumettık qoldauǧa 44 mlrd teŋge qarastyrylǧan, sonyŋ 5 mlrd teŋgesı (11%) kompaniianyŋ Būrǧylau jūmystary basqarmasyna arnalǧan. ÖMG-de jaqsy eŋbek jaǧdaiy jasalǧan dep esepteimız, ärbır qyzmetkerdı äleumettık qoldauǧa jyl saiyn 3,8 mln teŋge bölınedı.