Almatyda «Alma-Arasan» radon közın rekonstruksiialau josparlanuda

Almatyda 2025 jyly Ülken Almaty şatqalynyŋ eŋ körnektı nysandarynyŋ bırı - «Alma-Arasan» radon közın rekonstruksiialau josparlanuda. Almaty Mäslihatynyŋ aldaǧy sessiiasynda 2025-27 jyldarǧa arnalǧan biudjettıŋ tiıstı jobasyn qarau josparlanuda. Būl turaly qalalyq Mäslihattyŋ baspasöz qyzmetı habarlady. Bıregei emdık qasietterımen tanymal  oryn turister men qala tūrǧyndaryn, qazaqstandyqtardy ǧana emes, şeteldıkterdı de özıne tartady. Qazırgı infraqūrylymnyŋ jaǧdaiyna, qolaisyzdyqtar men täuekelderge bailanysty qala tūrǧyndary men turisterdıŋ köptegen şaǧymdaryna jauap retınde keşendı jaŋartu turaly şeşım qabyldandy. Radon közın soŋǧy jöndeu 2019 jyly jürgızıldı, sodan berı onyŋ infraqūrylymy jailylyq pen qauıpsızdıktıŋ zamanaui standarttaryna säikes kelu üşın rekonsturksiialaudy qajet etedı. Abattandyru jobasy infraqūrylym obektılerın tolyq rekonstruksiialaudy közdeidı. Negızgı ıs-şaralardyŋ qatarynda qauıpsız syrǧanauǧa qarsy jabyndary bar jaŋa köpırler ornatu, jol jelısın jäne jaiau jürgınşıler aimaqtaryn jaŋartu bar. Eŋ qauıptı uchaskelerde qorşaulary bar baspaldaqtar ornatylady, sondai-aq zaqymdalǧan elementterdı küşeitu jäne auystyru jürgızıledı. Sonymen qatar, barlyq uchaskelerdıŋ palubasy bolat tordan jasalady, būl jazda da, qysta da qauıpsızdıktı qamtamasyz etedı. Sonymen qatar, joba turisterge releftı baǧdarlauǧa kömektesetın, sondai-aq radon közınıŋ emdık qasietterımen tanystyratyn jaŋa körsetkışter men aqparattyq stendterdı ornatudy qamtidy.