Jeke baqylau. Senator Prezidenttıŋ öŋırlerge jūmys sapary turaly baiandady

Qasym-Jomart Toqaev Aqtöbe oblysynda bardy. Jūmys sapary barysynda prezident öŋırdıŋ käsıporyndary men äleumettık nysandaryn aralady. Memleket basşysy jedel basqaru ortalyǧyna soǧyp, medisina qyzmetkerlerımen jäne jas sportşylarmen kezdestı. Osyndai saparlardyŋ maŋyzdylyǧy turaly Aqtöbe oblysynan Qazaqstan Respublikasy Parlamentı Senatynyŋ deputaty bolyp sailanǧan Amangeldı Nūǧmanovpen aityp berdı. Senatordyŋ pıkırınşe, Qasym-Jomart Toqaev öŋırdegı saparlarynda öŋdeu önerkäsıbın damytuǧa erekşe nazar audarady. Prezidenttıŋ Aqtöbe oblysyna jūmys sapary «Bolaşaq» şahtasyn aralaudan bastaldy. Sonymen qatar memleket basşysy Aqtöbe qalasyndaǧy bolat qūbyrlaryn şyǧaratyn zauyttyŋ jūmysymen tanysty. Oblys basşysynyŋ aituynşa, önerkäsıp öndırısı 4 paiyzǧa artyp, osy jyldyŋ alty aiynda şetelden tartylǧan tıkelei investisiia kölemı 175 million dollarǧa jetken. «Aqtöbe oblysy önerkäsıptık äleuetı joǧary aimaq retınde belgılı, onyŋ qūramynda paidaly qazbalardy öndıru, metallurgiia, himiia önerkäsıbı jäne maşina jasau siiaqty maŋyzdy salalar bar. Būl aimaq Qazaqstannyŋ industrializasiia kursyna säikes damyp keledı, iaǧni şikızattyq ekonomikadan bırtındep arylyp, öndırıstık salaǧa basymdyq berıledı. Prezidenttıŋ önerkäsıptık nysandardy aralauy aimaqtyŋ öndırıstık quattaryn qoldauǧa jäne keŋeituge, sondai-aq qosymşa qūndy arttyruǧa nazar audarudy bıldıredı. Būl şaralar aimaq ekonomikasynyŋ ärtaraptandyruyna, innovasiialyq tehnologiialardy engızuge, jäne ekonomikalyq tūraqtylyqty arttyruǧa septıgın tigızedı», - deidı senator Nūǧmanov. Senatordyŋ pıkırınşe, mūndai saparlar inspeksiialyq sipatta bolady. Olar prezidentke jergılıktı atqaruşy organdardyŋ jūmysyn jeke baǧalauǧa, tūrǧyndardyŋ problemalary men tılekterın tyŋdauǧa, sondai-aq öŋır basşylyǧyna naqty mındetterdı belgıleuge mümkındık beredı. «Memleket basşysynyŋ aimaqqa sapary aimaqtyŋ damuyna zor äser etedı, sebebı mūndai saparlardyŋ saiasi ǧana emes, sonymen qatar ekonomikalyq jäne äleumettık maŋyzy bar. Prezidenttıŋ aimaqqa sapary jergılıktı atqaruşy organdardyŋ jūmysyn tıkelei baǧalauǧa mümkındık beredı, öitkenı ol aimaqtyŋ naqty jaǧdaiymen tanysyp, problemalardy anyqtap, olardy şeşu joldaryn ūsyna alady. Mūndai saparlar jiı BAQ pen qoǧam nazaryn audarady, būl jergılıktı bilık organdarynyŋ jauapkerşılıgın arttyrady. Sonymen qatar, prezidenttıŋ saparlary jaŋa jobalardyŋ bastamaşysy bola alady, investisiialar tartuǧa yqpal etedı, būl aimaqtyŋ ekonomikasynyŋ damuyna oŋ äserın tigızedı», - dedı Amangeldı Nūǧmanov. Memleket basşysy Qasym-Jomart Toqaev öz Joldauynda 2025 jyldy elımızde «Jūmysşy mamandyqtar jyly» dep jariialady. Osy uaqyt ışınde tehnikalyq jäne käsıptık bılım beru jüiesın reformalau közdelgen. Aqtöbe oblysynda da tiıstı reformalar jürgızılude dedı senator. «Qazaqstanda tehnikalyq jäne käsıptık bılım beru reformasy aiasynda aimaqta mamandardy daiarlaudyŋ sapasyn arttyruǧa jäne jūmysşy mamandyqtardyŋ qajettılıgın arttyruǧa baǧyttalǧan qadamdar atqaryluda. Aqtöbe oblysynda bılım beru mekemelerın jaŋartu, zamanaui oqu ortalyqtaryn qūru jäne oqu baǧdarlamalaryn eŋbek naryǧynyŋ talaptaryna säikes keltıru jūmystary jürıp jatyr. Prezidenttıŋ aimaqqa sapary būl salada jaŋa, innovasiialyq täsılderdı engızudıŋ maŋyzdylyǧyn atap körsetedı. Ol bılım beru jüiesın jaŋǧyrtu men käsıbi daǧdylardy damytuǧa nazar audarady, būl Qazaqstannyŋ ekonomikasyndaǧy özgerısterge säikes keletın jaŋa buyn mamandaryn daiarlau üşın maŋyzdy qadam bolyp tabylady», -  deidı spiker. QR Parlamentı senatynyŋ deputaty Amangeldı Nūǧmanov būl baǧyttaǧy jūmystardyŋ maŋyzdylyǧyn joǧary baǧalap, özınıŋ tūjyrymdaryn quanyşpen jetkızdı.