Täuelsızdık merekesı qarsaŋynda Börlı audanynyŋ Qaraşyǧanaq jäne Uspen auyldarynyŋ tūrǧyndary ortalyq sumen jabdyqtau jüielerın rekonstruksiialaudyŋ arqasynda sapaly auyz sumen qamtamasyz etıldı. Jūmystar 6 aiǧa sozyldy.
Uspen auylynda bügınde 300 adam tūrady. auylynyŋ tūrǧyndary ortalyqtandyrylǧan su qūbyryn köpten küttı. Su qūbyry tartylǧanǧa deiın tūrǧyndar auyz sudy auyl köşelerınıŋ boiynda ornatylǧan su baǧandarynan tasityn. «Auyl el besıgı» baǧdarlamasy aiasynda jüzege asyrylǧan qaita qūru jobasyna barlyq aulalardy ortalyqtandyrylǧan su qūbyryna mındettı türde qosu tarmaǧy engızılıp, tūrǧyndar taza suǧa qol jetkızdı. Salynǧan jelılerdıŋ jalpy ūzyndyǧy 10,2 şaqyrym, jaŋa mūnara men rezervuarlar ornatyldy. Qaita qūru jūmystaryn jürgızgen merdıger «Qaldaǧaity» JŞS boldy. Şart boiynşa jobanyŋ qūny 567,1 mln teŋgenı qūrady.
Qaraşyǧanaq auyly Podstepnoe-Terektı-RF şekarasy tas jolynyŋ janynda ornalasqan. Mūnda 163 adam tūrady. Auylda eşqaşan ortalyq sumen jabdyqtau jüiesı bolmaǧan, tūrǧyndar auladaǧy qūdyqtaryn paidalanyp keldı. Mereke qarsaŋynda är aulaǧa ortalyqtandyrylǧan su qūbyry jelılerıne qosyldy. Jalpy ūzyndyǧy 6,3 şaqyrymdy qūraityn joba oblystyq jäne audandyq biudjetterden qarjylandyrylyp, «AiTemır-Qūrylys» JŞS jüzege asyrdy, qūny - 329,5 mln teŋge.
Ekı jobanyŋ ıske asyryluyn avtorlyq qadaǧalaudy «Stroyconsalting» JŞS, tehnikalyq qadaǧalaudy – «Aqtaustroiekspert» JŞS jüzege asyrdy.
Nysandardy tapsyru räsımıne Börlı audany äkımınıŋ mındetın atqaruşy Mūhtar Nūrmaqov, oblystyq mäslihat deputattary Anuar Agaev, Jastalap Kurmankulov, audandyq mäslihat töraǧasy Qairat Ermekbaev jäne auyl tūrǧyndary qatysty.

