Toqaevtyŋ Qytaiǧa saparynyŋ aldynda adyrna.kz ūlttyq portaly "Toqaev Qytaiǧa saparynda Aqjarqynnyŋ mäselesın qozǧai ma?" degen taqyryppen maqala jariialaǧan bolatyn. Tiısınşe Aqjarqynnyŋ anasy prezidentten kömek sūrap, video joldaǧan edı. Soǧan orai Memleket basşysy Qasym-Jomart Toqaev Qytai elıne memlekettık sapary aiasynda esırtkı tasymaldau küdıgımen qolǧa tüsken qazaqstandyq Aqjarqyn Tūrlybaidyŋ mäselesın köterdı. Būl turaly QR Prezidentınıŋ kömekşısı Mūrat Nūrtıleuov OKQ alaŋynda ötken brifingte mälımdedı.
«Bız jol jürgelı otyrǧanda Qasym-Jomart Kemelūlynyŋ atyna 2014 jyly Guanjou äuejaiynda Qytai qūqyq qorǧau organdarymen ūstalǧan otandasymyz Aqjarqyn Tūrlybaidyŋ anasynan ötınış tüstı. Onyŋ mätını BAQ betterınde jariialandy. Osyǧan orai Memleket basşysy Beijıŋdegı kezdesulerde Qytai tarapyna özınıŋ jeke ötınışın jetkızdı. Būl mäsele jan-jaqty talqylandy. Onyŋ nätijelerı boiynşa Syrtqy ıster ministrlıgı arqyly osy jūmysty jalǧastyru turaly uaǧdalastyqqa qol jetkızıldı. Sapar nätijesı boiynşa berıletın tapsyrmalar tızımıne otandasymyzdyŋ taǧdyryna qatysty mäsele arnaiy kırıp otyr», – dep toqtaldy Mūrat Nūrtıleuov.Prezident būl mäselege erekşe köŋıl bölgendıkten, aldaǧy künderı quanyşty jaŋalyqty estıp qalarmyz degen niettemız.
"Adyrna" ūlttyq portaly
